"Ankara və Moskva arasında əməkdaşlıq Dağlıq Qarabağ münaqişəsinin həllinə çox böyük töhfə verə bilər"-RƏY

Dünən daha bir Türkiyə-Rusiya ortaq layihəsinin açılışı olub. İstanbulda "Türk axını" qaz kəməri açılıb. Son 4 ildə Türkiyə və Rusiya arasında ciddi yaxınlaşma. əməkdşalıq müşahidə olunur.
Putin deyib ki, beynəlxalq oyunçular tərəfindən müdaxilələrə baxmayaraq, Rusiya-Türkiyə əməkdaşlığı bütün sahələrdə inkişaf edir.Türkiyə və Rusiyanın bu dərəcədə yaxınlaşması Azərbaycana, Cənubi Qafqaza nə vəd edir?
Dağlıq Qarabağ mümnaqişəsinin həllinə müsbət təsir edəcəkmi?

Mövzu ilə bağlı Sonxeber.az-a politoloq Məhəmməd Əsədullazadə danışıb. O, bildirib ki, son illər Rusiya və Türkiyə arasında Yaxın Şərqdə strateji, koordinasiyalı şəkildə birgə hərəkət, xüsusilə iki dövlət arasında enerji layihələrində əməkdaşlıq siyasi yaxınlaşmanı özündə ehtiva edir:
"Qeyd edim ki, iki ölkə arasında müəyyən siyasi əlaqələr enerji əməkdaşlığı, "Türk axını" və digər qaz kəmərlərinin çəkilməsi ilə müşayiət olundu. Rusiyadan Türkiyəyə çəkilən "Türk axını" qaz kəməri regional əməkdaşlıq fonunda iki dövlətin regionda iqtisadi, siyasi həmçinin hərbi-texniki tərəfdaşlığına və iki dövlət arasında müəyyən münaqişələrin həllinə töhfə verəcəyinə işarədir. Türkiyə və Rusiyannın Suriyada əməkdaşlığı sülhün və təhlükəsizliyin qismən əldə olunmasına gətirib çıxartdı. "Türk axını" layihəsində Putin bundan sonra da iki dövlətin Liviyada da ortaq məxrəcə gələ biləcəklərini qeyd etdi.
Qeyd edim ki, Ərdoğanla Putin arasında hazırda çox ciddi konfidensial şəkildə birgə razılaşma var. Bu razılaşma fonunda tərəflər regionda olan münaqişələrin həllinə birgə çalışacaqlar. Biz Suriya və Liviyada artıq bunun şahidi oluruq. Təbii ki, bu əməkdaşlıq Cənubi Qafqaza da müsbət təsiri olacaq. Çünki, bir neçə il əvvəl Türkiyə ilə Rusiya arasında Dağlıq Qarabağ münaqişəsi ilə bağlı çox ciddi danışıqlar aparıldı. Amma təəssüflər olsun ki, müəyyən səbəblərə görə bu danışıqlarda ciddi nəticə əldə olunmadı. İndi göründüyü kimi iki tərəf arasında siyasi, iqtisadi, hərbi-texniki həmçinin enerji daşıyıcıları ətrafında aparılan müzakirələr artıq yüksək əməkdaşlığa gətirib çıxardır. Bu da Cənubi Qafqazda münaqişənin həllinə töhfə verə bilər. Məhz, Türkiyənin regionda getdikcə artan rolu Qarabağ münaqişəsinin həllində də ciddi diqqətin artmasına gətirib çıxara bilər. Bu mümkün bir ssenaridir. Əlbəttə ki, bu da regionda sülhün, sabitliyin həmçinin Azərbaycan ərazi bütövlüyünün həllinə gətirib çıxara bilər. Qeyd etdiyim kimi artıq Ermənistan mətbuatında da Rusiya və Türkiyə münasibətlərinin yüksək inkişafının Dağlıq Qarabağ münaqişəsinin həllinə gətirib çıxaracağını ciddi cəhdlə öndə hesab edir. Hesab edirəm ki, Ankara və Moskva arasında bu əməkdaşlıq regionda Dağlıq Qarabağ münaqişəsinin həllinə çox böyük töhfə verə bilər. Təbii ki, bu proseslər Rusiyanın siyasi iradəsindən çox asılı olacaq. Yəni, Liviya məsələsində tərəflər ortaq məxrəcə gələ bilsələr, bu ssenari Dağlıq Qarabağ münaqişəsinin həllində də mümkün olacaq"

Fəridə Ağazadə

Telegramda izləyin

instagramda izləyin