Azərbaycan Davos Forumunun çox nüfuzlu üzvlərindən biridir - TƏHLİL

Yanvarın 20-də Azərbaycan Prezidenti İlham Əliyevin Dünya İqtisadi Forumunun illik toplantısında iştirak etmək üçün İsveçrə Konfederasiyasına işgüzar səfəri başlayıb.

Dünyanın çox nüfuzlu Davos İqtisadi Forumunun rəsmi saytında Prezident İlham Əliyevin "Azərbaycanın vahid və dayanıqlı dünyada rolu" sərlövhəli məqaləsi yerləşdirilib.
Azərbaycan Davos Forumunun çox nüfuzlu üzvlərindən biridir - TƏHLİLMəqalədə vurğulanır ki, "Azərbaycan enerji layihələrini də uğurla həyata keçirməyə davam edib. Avropaya qaz təchizatının şaxələndirilməsi istiqamətində Avropanın səylərinə dəstək verən Azərbaycan "Cənub Qaz Dəhlizi" layihəsinin reallaşmasına nail olub. Uzunluğu 3500 kilometr olan bu layihə Xəzər regionundan qaz təchizatını Avropa bazarlarına birləşdirməklə bütün regionun enerji xəritəsini dəyişəcək. Bu layihə Avropaya qazın nəqlinə alternativ kimi deyil, Avropaya qaz təchizatının şaxələndirilməsi məqsədilə həyata keçirilib. Ümumi kapital qoyuluşu 40 milyard ABŞ dolları olan bu layihə 4 hissədən ibarətdir".

Qeyd edək ki, dövlət başçısı artıq Davosda bir sıra mühüm görüşlər keçirib.

Prezident İlham Əliyevin Davosda "Carlyle Group" şirkətinin həmtəsisçisi Devid Rubinşteynlə görüşü olub. Görüşdə "Carlyle Group" şirkətinin həmtəsisçisi Devid Rubinşteyn rəhbərlik etdiyi qurumla Azərbaycan Dövlət Neft Fondu arasında əməkdaşlığı yüksək qiymətləndirib və bu əməkdaşlığın gələcək istiqamətləri barədə dövlətimizin başçısına məlumat verib.
Prezident İlham Əliyev Azərbaycan iqtisadiyyatının inkişaf etdiyini, ötən il ölkəmizdə qeyri-neft sənayesinin 14 faiz, kənd təsərrüfatının isə 7 faiz artdığını bildirib. Söhbət zamanı Azərbaycanda əlverişli investisiya mühitinin yaradıldığı qeyd edilib. Ölkəmizlə vəsaitlərin idarə olunması sahəsində dünyanın aparıcı şirkətlərindən biri olan "Carlyle Group" arasında əməkdaşlığın inkişafı üçün geniş imkanların olduğu vurğulanıb.
Azərbaycan Davos Forumunun çox nüfuzlu üzvlərindən biridir - TƏHLİLPrezident İlham Əliyev yanvarın 20-də Davosda "VTB Bank"ın prezidenti-idarə heyətinin sədri Andrey Kostinlə ilə də görüşüb. Görüşdə "VTB Bank"ın Azərbaycanda uzun müddət uğurlu fəaliyyət göstərdiyi qeyd olunub. Bildirilib ki, Azərbaycan Dövlət Neft Fondu ilə "VTB Bank" arasında səmərəli əməkdaşlıq davam edir. Prezident İlham Əliyev "VTB Bank"ın Azərbaycan iqtisadiyyatının real sektoruna kredit qoyuluşunun artırılmasını təklif edib.
Azərbaycan Davos Forumunun çox nüfuzlu üzvlərindən biridir - TƏHLİLAndrey Kostin təklifə müsbət yanaşdığını bildirib və dövlətimizin başçısını əmin edib ki, "VTB Bank" bu istiqamətdə fəaliyyətini daha da genişləndirəcək.

Söhbət zamanı Azərbaycanla Rusiya arasında bütün sahələrdə olduğu kimi, iqtisadi-ticari sahədə də əlaqələrin uğurla inkişaf etdiyi bildirilib. Ticarət dövriyyəsinin artan istiqamətdə davam etməsinin və daha da sürətləndirilməsinin vacibliyi qeyd olunub.

Ölkə başçısının görüşləri davam edir.

Vurğulayaq ki, Davos İqtisadi Forumu yalnız Azərbaycan üçün deyil, bütün dünya üçün əhəmiyyətli tədbirlərdən biri kimi dəyərləndirilir. Davos İqtisadi Forumu çərçivəsində qeyri-rəsmi formada keçirilən dövlət və hökumət başçılarının, iri biznes nümayəndələrinin, ayrı-ayrı sahələrdən ekspertlərin görüşləri problemlərin həlli üzrə optimal variant tapmağa kömək edir. Davos İqtisadi Forumu özünü təsdiqləmiş nüfuzlu iqtisadi platformadır. Azərbaycan isə bu forumun ən aktiv təmsilçilərindən biridir. Prezident Əliyev hər il bu forumda fəal şəkildə iştirak edir və ölkənin iqtisadi potensialı barədə orada çalışan iş adamları, eləcə də mediaya ciddi məlumatlar verir. Eyni zamanda, bu forum çərçivəsində Azərbaycanın təbliği baxımından geniş işlər görülür.

Davos İqtisadi Forumu dünyanın bir sıra aparıcı şirkət rəhbərləri ilə bir araya gələrək onlarla iqtisadi məsələlərə dair müzakirələr aparmağa və əməkdaşlıq etməyə imkan verir. Hazırda Davos İqtisadi Forumu Azərbaycan üçün xüsusi əhəmiyyət kəsb edir. Belə ki, Azərbaycan qeyri-neft sektorunun inkişafı istiqamətində ciddi addımlar atır və ölkədə iqtisadi islahatlar həyata keçirir. Bu islahatların həyata keçirilməsi, ölkənin qeyri-neft sektorunun inkişaf etdirilməsinə xarici şirkətlərlə əlaqələrindən inkişafı müsbət təsir edə bilər.

Onu da qeyd edək ki, dövlət başçısı İlham Əliyevin belə tədbirlərdə iştirakını Azərbaycanda aparılan ciddi iqtisadi islahatlarla əlaqələndirmək, ortaya qoyulan strateji yol xəritəsinin mühüm istiqamətlərindən biri kimi yanaşmaq lazımdır.

Azərbaycanın dünyada böyük neft-qaz ölkəsi kimi qəbul olunur. Digər tərəfdən bir sıra xarici şirkətlər Azərbaycanın qeyri-neft sektoruna da investisiya yatırmağa maraq göstərir. Azərbaycan regionda mühüm iqtisadi tərəfdaş imicini layiqli şəkildə qoruyur. Bu platformadan müsbət istiqamətdə yararlanaraq, Azərbaycana gələcəkdə mühüm iqtisadi və siyasi dividentlər qazandıra bilər.

Davos İqtisadi Forumu dünyanın ən böyük forumu kimi qiymətləndirilir. Bu forumu digərlərindən fərqləndirən cəhət burada dünyanın çoxlu sayda yüksək səviyyəli şəxslərinin toplanmasıdır. Belə ki, forum nəticə etibarı ilə qlobal aləmin fərqli təşkilatlarını təmsil edən insanlar, dövlət və hökumət başçıları, iş adamları, ekspertləri və media bir araya gəlmək imkanı qazanırlar.

Azərbaycan artıq Davos Dünya İqtisadi Forumunun arzu olunan və çox nüfuzlu üzvlərindən birinə çevrilib. Azərbaycan hər il bu forumda təmsil olunur və ölkəmizin dünyada nüfuzu daha da artır. Qlobal və regional səviyyədə dünyanın başlıca siyasi, sosial və iqtisadi problemlərinin müzakirəsinin aparılması üçün strateji platforma hesab olunur. Forum çoxsaylı mövzular üzrə sessiyalardan ibarət olur və illik toplantılarına dövlət rəhbərləri, tanınmış siyasi xadimlər, böyük və nüfuzlu şirkətlərin rəhbərləri, müxtəlif qeyri-hökumət təşkilatlarının, media orqanlarının nümayəndələri qatılırlar.

İqtisadi xarakter daşımasına baxmayaraq, Davos Forumu dünya siyasətinə, beynəlxalq münasibətlərə ciddi təsirə malikdir. Forum dünyanın iqtisadi mənzərəsinin yaradılmasında önəmli rol oynayır. Burada irəli sürülən yeni fikirlər, təkliflər qlobal iqtisadiyyata yeni istiqamətlər verir. Davos İqtisadi Forumu həm də iqtisadi güc mərkəzlərinin bir-biri ilə dialoqu və dünya ictimaiyyətinə hesabatı xarakteri daşıyır. Qlobal iqtisadi böhranın, milyonlarla insanın yaşayışına, ayrı-ayrı dövlətlərin iqtisadiyyatına təsir edən siyasi münaqişələrin davam etdiyi, ərzaq çatışmazlığı probleminin mövcud olduğu indiki dövrdə siyasi liderləri, iş adamlarını, vətəndaş cəmiyyəti qurumlarının rəhbərlərini bir araya toplayan Davos Forumu, şübhəsiz ki, bir çox məsələlərin müzakirəsinə və vacib qərarların qəbuluna əlverişli mühit yaradır.

Ölkə rəhbərinin Davos Forumunda iştirakı Azərbaycana investisiyaların cəlb edilməsi baxımından yeni imkanlar açır. Prezident Əliyevin Davosda şirkət rəhbərləri görüşlər keçirməsi əlaqələr baxımından mühüm əhəmiyyətə malikdir.

Davos İqtisadi Forumunda iştirak edən Azərbaycanın məqsədi dünyada gedən prosesləri izləmək, o cümlədən Azərbaycandakı prosesləri bölgədə marağı olan iştirakçılara çatdırmaqdan ibarətdir. Forumun platforması informasiya mübadiləsi nəticəsində dünya ictimaiyyətinə qlobal iqtisadiyyatla bağlı fikirləri formalaşdırmaq və çatdırmaqdır.

Prezidenti İlham Əliyev Davos İqtisadi Forumu çərçivəsində yanvarın 22-nə təyin olunmuş "Strateji Proqnoz: Avrasiya" sessiyasında iştirak və çıxış edəcək.

Görüş iştirakçıları region üçün 2020-ci ildə strateji prioritetləri müzakirə edəcəklər. Sessiyanın gündəliyinə iqtisadi imkanların yaradılması, geosiyasi gərginliklərin idarə edilməsi və texnoloji tətbiqetmənin sürətlənməsi kimi məsələlər daxil edilib. Dövlət başçısının bir sıra nüfuzlu Qərb mətbuatına müsahibələr verəcəyi də gözlənilir. Lent.az

İqtisadiyyat   Baxılıb: 4498   Tarix: 21 yanvar 2020  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR

Dünyanın diqqəti Davosda: İclasın ilk günündə ABŞ Prezidenti çıxış etdi- VİDEO

Bu gün 50-ci Davos İqtisadi Forumu işə başlayır. Sonxeber.az Real Tv-yə istinadən xəbər verir ki, iclasın ilk günündə ABŞ Prezidenti Donald Tramp çıxış edib.. . . . 14:25. . Davos Ümumdünya İqtisadi Forumu təkcə 50 illik yubileyini keçirdiyinə görə spesifik deyil, bu dəfə dünyanın iqtisadi qibləsi bütü

21 yanvar

"Azərbaycanın hədəfi regionda tranzit mərkəzə çevrilməkdir"-RƏY

2020-ci ildə Azərbaycanın MDB məkanında ticarət və yük daşınması sahəsində ən böyük artım dinamikasının Rusiya, Qazaxıstan və Gürcüstan istiqamətində təmin olunacağı gözlənilir. Artımın əsas faktorları Nursultanla Pekin arasında Azərbaycan və Gürcüstan ərazisindən keçən dəhlizlərə (Bakı-Tbilisi-Qar

21 yanvar

Davos İqtisadi Forumundan gözləntilər-ŞƏRH

Hər il olduğu kimi Davosda iqtisadi forum öz işinə başlayır. Müxtəlif dövlətlərin liderləri, nazirlər, siyasi və istisadi ekspertlər, o cümlədən dünyanın aparıcı şirkətlərinin rəhbərləri İsveçrənin kurort şəhərinə toplaşacaqlar.. Davosda əsas müzakirə mövzusu nə olacaq?. Regional münaqişələr və onları

21 yanvar

"Azərbaycanda yeni özəlləşdirmə proqramı hazırlanmalı, dövlət müəssisələri özəlləşdirilməlidir"-RƏY

Ötən ilin yekunlarına dair dünən keçirilən mətbuat konfransında İqtisadiyyat naziri Mikayıl Cabbarov nazirlikdə Azərbaycanda gedən prosesləri nəzərə alaraq, yeni özəlləşdirmə proqramının hazırlamağa başlandığını bildirib.. İnkişafın indiki mərhələsində özəlləşdirmənin hansı formasının Azərbaycan üçü

17 yanvar

"2020-ci ildə neftlə bağlı hansısa ciddi qiymət artımının olacağı gözlənilmir"-RƏY

OPEK-in yanvar hesabatında deyilir ki, OPEK 2020-ci ildə neft tələbatının artması ilə bağlı proqnozunu sutkada 0,14 milyon barel artıraraq sutkalıq 1,22 milyon barelə qaldırıb.. Dünyada neftə tələbatın artmasının "Azeri Light" markalı neftin qiymətinə necə təsir göstərə biləcək və bu Azərbayca

16 yanvar

"Azərbaycan ərazisində təkcə cənubda yox, şimalda da çay əkmək olar"-Ekspert rəyi

Rəsmi bayram olmasa da, dünyanın aparıcı çay məhsulları istehsalçıları Hindistan, Şri-Lanka, Banqladeş, Nepal, Vyetnam, İndoneziya, Keniya, Malaziya, Uqanda və Tanzaniya onu bayram kimi qeyd edir. Bu gün həmin ölkələrin ictimaiyyəti çay məhsulları istehsalı sahəsində işçilərin vəziyyəti, kiçik çay istehsalçılarını

15 yanvar

"Mənzil sığortası vasitəsilə insanlarda digər sığorta növlərinə maraq yaranacaq"-RƏY

2020-ci ilin əvvəlindən Azərbaycanda daşınmaz əmlakın icbari sığortası çərçivəsində yaşayış evlərinin kütləvi sığortası həyata keçirilib.. Bazarın bu il nə qədər genişlənə biləcəyi ilə bağlı proqnozlar varmı? Sığorta şirkətləri bazara yeni məhsulları ilə girəcəklərmi? Sığortadakı bərpa istehsal sahəsindək

11 yanvar

"Sahibkarlar öz şirkətlərini səhmləşdirməkdə maraqlı deyillər"-RƏY

Azərbaycanda müşahidə olunan proseslər - banklarda əmanətlər üzrə faiz dərəcələrinin azalması, daşınmaz əmlak bazarında müsbət dinamikanın olmaması, habelə əsas dünya valyutalarının məzənnələrinin yüksək dəyişkənliyi vətəndaşların pullarını qorumaq və artırmaq üçün yeni vasitələrin yaradılması məsələsin

11 yanvar

Sosial müavinət və pensiyaların təyini üçün elektron sistemin FAYDALARI

Ötənilki islahatlar sayəsində 2020-ci ilin əvvəlindən Azərbaycanda pensiyaçılar və sosial müavinət almaq hüququ olan şəxslər üçün sosial müavinətlərin və yaşa görə pensiyalarının təyin edilməsi üçün elektron sistem istifadəyə verildi. Sistem 19 növ sosial ödəniş həyata keçirməyə imkan verir.. Sistemi

8 yanvar