Prezidentin Davos Forumunda İmran Xanla görüşü-ŞƏRH

Prezident İlham Əliyev Davosda bir sıra xarici ölkələrin nümayəndələri və şirkət rəhbərləri ilə işgüzar görüşlərini davam etdirib. Pakistan İslam Respublikasının Baş naziri İmran Xan ilə görüş, iki dost ölkə arasında iqtisadi münasibətlərlə bağlı mövzunun inkişafı üçün informasiya məqsədli hadisə ola bilər.

Mövzu ilə bağlı Sonxeber.az-a politoloq Mübariz Əhmədoğlu danışıb. O, bildirib ki, Pakistanın Dağlıq Qarabağ məsələsində tutduğu mövqeyinə görə Azərbaycana ən yaxın dövlətdir:
"Pakistanın mövqeyi belədir ki, Azərbaycan Dağlıq Qarabağ məsələsinin həllində hərb yolunu seçəcəksə, Pakistan onu dəstəkləyəcək. Yəni Pakistanın əvvəlcədən mövqeyi belə olub. Ona görə də biz Pakistan ilə əlaqələri daim yüksək səviyyəyə qaldırmalıyıq. Eləcə də biz nəzərə almalıyıq ki, Pakistanın məhz o mövqeyinə görə Pakistana bəzi müsəlman dövlətləri belə təzyiqlər edirlər. Azərbaycan prezidenti cənab İlham Əliyev Pakistanla münasibətləri birbaşa özünün daimi nəzarətində saxlayır. Çünki Pakistanla Azərbaycan arasında münasibətlərin pisləşməsində maraqlı olan dövlətlər Pakistanın Ermənistanla münasibətlərinin yumşalmasına. Eləcə də həmin dövlət Pakistanın Azərbaycana qarşı mövqeyini dəyişəndən sonra Azərbaycana qarşı hərbi və ya digər destruktiv əməllərdə də özünün imkanlarını genişləndirə bilər. Ona görə Pakistan yalnız Dağlıq Qarabağla əlaqəli məsələlərdə deyil, həm də Ermənistandan dəfələrlə böyük daxilən içində müəyyən qruplaşmaların anti-Azərbaycan mövqeyi güclü olan bəzi dövlətləri də neytrallaşdıra bilir. Yəni Pakistan Azərbaycan üçün hava-su kimi lazımdır. Elə başa düşürəm ki, prezident İlham Əliyevin İmran Xan ilə görüşündən sonra yaxın vaxtlarda Azərbaycan Pakistanı bütün dünya üzrə bir nömrəli müttəfiqi elan etməlidir. Bu hamıya təəccüblü görünsə də, Türkiyə, Rusiya ,İrana da mövqeyimizi izahla başa salmağı bacarmalıyıq. İndiki dövrdə geosiyasi və regional vəziyyətin gərginləşdiyi dövrdə Pakistanın Azərbaycan üçün artan rolunu qeyd etmək istəyirəm. Buna misal olaraq Heydər Əliyev Fondunun geniş iş əlaqələri qurduğu müsəlman dövlətlərinin dairəsi azdır. Ancaq Heydər Əliyev Fondu Pakistanda çox aktiv iş görür. Bu da o deməkdir ki, Pakistanla Azərbaycanın münasibətləri bünövrədən düzgün qoyulub".

Fəridə Ağazadə

Telegramda izləyin

instagramda izləyin