Dünyanı lərzəyə gətirən virus Azərbaycanda da yayıla bilər - Baş infeksionistdən XƏBƏRDARLIQ

Dünyanı lərzəyə gətirən virus Azərbaycanda da yayıla bilər - Baş infeksionistdən XƏBƏRDARLIQÖtən ilin 31 dekabrında Çinin Vuhan şəhərində sirli virus ortaya çıxdı. 9 yanvarda Çin hökuməti mediaya açıqlama verərək bunun yeni koronavirus olduğunu bildirdi. Kod adı 2019-nCoV olan virus ölkənin 25 əyalətində yayılıb və 17 nəfərin ölümünə səbəb olub.

Koronavirusa bu günə qədər Çin, Tailand, Yaponiya, Rusiya, ABŞ və Cənubi Koreyada rast gəlinib.

Virus soyuqdəymədən tutmuş Yaxın Şərq Respirator Sindromu və Şiddətli Kəskin Respirator Sindroma (SARS) qədər müxtəlif xəstəliklərə səbəb olan böyük qrupdur.

Çində yayılmış sətəlcəmin səbəbi yeni koronavirus kimi görünsə də, ötürülmə potensialı hələ də naməlumdur. Ona görə xəstəliyin baş qaldırdığı bölgələrə və ya bölgələrdən səfər edərkən kəskin respirator xəstəlik riskini aşağıdakı vasitələrlə azaltmaq məqsədəuyğun hesab edilir:

• Kəskin respirator xəstəliklərdən əziyyət çəkən insanlarla yaxın təmasda olmamaq;

• Əlləri mütəmadi yumaq, xüsusilə xəstə insanlar və onların ətraf mühiti ilə birbaşa təmasdan sonra;

• Canlı və ya ölü ferma, yaxud da vəhşi heyvanlarla yaxın təmasdan çəkinmək;

• Kəskin respirator infeksiyanın simptomlarını daşıyan sərnişinlər öskürərkən məsafə saxlamalı, öskürərkən və asqırarkən ağızlarını birdəfəlik istifadə üçün dəsmalla bağlamalı, əllərini yumalıdırlar.

Koronavirusun dünyada ajiotaj yaratdığını nəzərə alaraq Azərbaycana keçmə ehtimalının olub-olmadığını araşdırdıq.

Azərbaycanın baş infeksionisti Cəlal İsayev Publika.az-a açıqlamasında virusun kəskin respirator xəstəliklərlə keçə bildiyini dedi.

Baş infeksionist bildirdi ki, virusun müasir dövrdə 37 növü var: "Xüsusilə payız və qış aylarında yayılan respirator virus infeksiyaları zökəm əlamətləri ilə keçən xəstəliklərin 4-9 faizini təşkil edir. Lakin ağır kliniki gedişata malik olmur. İki gündən bir həftəyə qədər davam edir. Ağırlaşma vermədən öz-özünə sağalır. Latıncadan "corona" sözü tac mənasını verir. Viruslara mikroskopla nəzər yetirdikdə, günəş tacını xatırlatdığına görə, bu ad seçilib. O, 1965-ci ildə kəşf edilib".

C.İsayev bu virusun bir neçə növünün insanda ağır xəstəliklər törətdiyini vurğuladı: "Onlardan biri yaxın keçmişdə Çində baş qaldıran Şiddətli Kəskin Respirator Sindromudur (SARS). 2012-ci ildə Səudiyyə Ərəbistanında və Yaxın Şərqdə də oxşar viruslar kəşf edildi. Siyahıya ötən ilin sonunda tapılan, haqqında danışdığımız yeni koronavirus da daxildir. Onun virulentliyi insan üçün daha yüksəkdir. Yaxın Şərq virusunun törətdiyi xəstəliklərdə 35% ölüm riski mövcuddur. SARS riski də yüksək ölüm faizinə malikdir. Koronavirusa təxminən 532 yoluxma halı qeydə alınıb".

Koronavirusun xarici təsirlərə qarşı davamsız olduğunu bildirən baş infeksionist sözlərinə belə davam etdi: "Virus 37 dərəcə temperaturda 15 dəqiqə davam gətirə bilir. 56 dərəcədə isə ani olaraq tələf olur. Dezinfeksiyaya qarşı çox həssas viruslardır. Buna görə də, əllərimizi mütəmadi dezinfeksiyaedici məhlullarla təmizləsək tələf olacaqlar. Bu viruslar əsasən hava-damcı yolu ilə yoluxub ağciyərləri zədələyirlər. Ağız və ya mədə-bağırsaqdan yoluxduqda qastrit, rinit tipli əlamətlər üzə çıxır. Hər hansısa qida və ya əlimizdəki əşya vasitəsilə yoluxma ehtimalı da var. Xəstələrlə sıx şəkildə təmasda olduqda yoluxmaq mümkündür".

C.İsayev Çinə səfər edən vətəndaşlarımıza tövsiyələr verdi: "Zökəm olan adamlarla təmasdan yayınmalıdılar. Çinin Vuhan şəhərində 12 milyon insan yaşayır. Sıx təması nəzərə alıb regiondan çəkinmək lazımdır. Ümumiyyətlə, yoluxmamaq üçün ora getməməlidirlər. Məcburi getdikləri təqdirdə, maska taxmaqları mütləqdir. Qəbul etdikləri qidaların müddətinə nəzarət etməlidilər. Heyvani məhsullardan uzaq gəzməlidilər. Xüsusilə dəniz məhsullarını qeyd etməliyik. Çinə səfər edən və ya oradan ölkəmizə gələn vətəndaşlar arasında hərarəti olan insanlar izolyasiya olunmalı və virusun başqalarına yoluxmaması üçün xəstəliyin inkişaf tempi nəzarətdə saxlanılmalıdır".

Baş infeksionist bildirdi ki, koronavirus özünü qrip, hərarət və ya digər respirator infeksiyalar formasında büruzə verir: "Ölkəmizdə bu virus yoxdur. Amma ehtiyat tədbirlərini görməkdə fayda var. Azərbaycanın Çinlə ticarət və turizm sektorunda əlaqələri var. Heç bir ölkə bu virusdan sığortalanmayıb".

C.İsayev hesab edir ki, virus tezliklə lokallaşdırılacaq: "SARS virusu yayılanda dünyada böyük ajiotaja səbəb olmuşdu. Amma nəticədə onu lokallaşdırdılar. İnanıram ki, koronavirusla bağlı da oxşar vəziyyət müşahidə ediləcək".

ABŞ-ın Milli Allergiya və Yoluxucu Xəstəliklər İnstitutu (NIAID) isə koronavirusla bağlı spesifik yanaşma irəli sürür. İnstitutun direktoru Entoni Fauçi "Scientific American" jurnalına verdiyi açıqlamada sözügedən virusla bağlı bir sıra maraqlı məqamlara aydınlıq gətirib.

O bildirib ki, koronavirusun heyvandan qaynaqlandığı dəqiqdir: "Bu virusun tənəffüs yolu ilə keçdiyi sübut edilməyib. Koronavirus əsasən qızdırma, öskürək, ağciyər iltihabı kimi özünü büruzə verir".

Virusun ölüm nisbətindən danışan E.Fauçi bildirib ki, xəstələr arasında ölüm nisbəti 2%-dir: "SARS-da bu nisbət 10, MERS-də isə 30-35% idi. Koronavirus inkişaf edərək digər virus növlərindən güclü təsirə də malik ola bilər. Hazırda bu haqda nəsə demək üçün çox tezdir.

Son 18 ildə üç heyvan mənşəli koronavirusa rast gəlinib: SARS, Yaxın Şərq respirator sindromu (MERS) və hazırkı virus. SARS və MERS-də əsas daşıyıcının yarasa olduğu düşünülürdü".


Sonxeber.az Telegramda izləyin instagramda izləyin
Sosial   Baxılıb: 4528   Tarix: 24 yanvar 2020  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti


DİGƏR MARAQLI XƏBƏRLƏR

Vilayət Eyvazov yeni rəis müavini təyin etdi

Daxili İşlər naziri, general-polkovnik Vilayət Eyvazovun əmri ilə Gəncə şəhər Baş Polis İdarəsinə yeni rəis müavini təyin edilib.. . BAKU.WS xəbər verir ki, əmrə əsasən polis polkovnik-leytenantı Çingiz Aslanov Gəncə şəhər Baş Polis İdarəsinin əməliyyat işləri üzrə rəis müavini təyin edilib.. . Çingi

24 yanvar

DİN məlumat yaydı - Mühafizə xidmətinin rəisi həbs edildi

Sabirabad rayonunda özünü mühafizə xidmətinin rəisi kimi təqdim edən şəxs həbs edilib.. . Sonxeber.az Daxili İşlər Nazirliyinin Mətbuat Xidmətinə istinadən xəbər verir ki, "Kanal13"ün "Yutub" sosial şəbəkəsindəki səhifəsində Sabirabad rayon sakini olan bir qrup şəxsin özünü rayondak

24 yanvar

Nərminin qətlində təqsirləndirilən şəxs barədə qərar verildi

Tovuzda 10 yaşlı Nərmin Quliyevanı qətlə yetirməkdə təqsirləndirilən İlkin Süleymanovun barəsində yeni ittiham irəli sürülüb.. . "Report"un xəbərinə görə, o, Cinayət Məcəlləsinin 145-ci (qanunsuz azadlıqdan məhrum etmə) maddəsi ilə də ittiham olunur.. . Bundan əvvəl İ.Süleymanov barəsində Cinayə

24 yanvar

Bakının taksi xidmətində inqilabi dəyişiklik: gedişhaqqı artacaqmı? - RƏSMİ CAVAB

Prezident İlham Əliyev ötən həftə Nəqliyyat, Rabitə və Yüksək Texnologiyalar naziri Ramin Quluzadəni qəbul edərkən ölkədəki taksi xidmətinin hansı səviyyədə olması ilə maraqlanıb.. . Sonxeber.az xəbər verir ki, ölkə başçısı paytaxt Bakı başda olmaqla, bütün şəhər və rayonlarda taksi xidmətinin keyfiyyətini

23 yanvar

Gəncədə itkin düşən 11-ci sinif şagirdi Bakıda tapıldı

Gəncə şəhərində itkin düşən 2004-cü il təvəllüdlü Gülçin Məmmədova Bakı şəhərində tapılaraq ailəsinə təhvil verilib.. . BAKU.WS-in bölgə müxbirinin verdiyi məlumata görə, Gülçin Məmmədova Gəncə şəhəri 39 saylı tam orta məktəbin 10-cu sinif şagirdidir.. . O, yanvarın 21-də əmisigilə getmək adı ilə evdə

23 yanvar

Zaur Darabzadə seçkilərdə əsas prioritetlərini açıqladı - MÜSAHİBƏ

23 saylı Nəsimi-Səbail seçki dairəsindən deputatlığa namizəd Zaur Darabzadənin Oxu.Az-a müsahibəsi:. . - Gəlin, söhbətimizi ən məntiqli sualdan başlayaq. Hazırkı növbədənkənar parlament seçkilərində iştirak etməyinizə nə səbəb oldu?. . - Gələcək nəsillərə güclü, iqtisadi cəhətdən inkişaf etmiş, sabi

23 yanvar

Prezident İlham Əliyev qızını belə təbrik etdi – FOTOLAR

Bu gün Azərbaycan Prezidenti İlham Əliyevin kiçik qızı Arzu Əliyevanın ad günüdür.. . Sonxeber.az Modern.az-a istinadən xəbər verir ki, Arzu Əliyeva 23 yanvar 1989-cu ildə İlham Əliyev və Mehriban Əliyevanın ailəsində anadan olub.. . Orta təhsilini 1995-2006-cı illərdə Bakıda, 160 saylı məktəbdə, al

23 yanvar

Azərbaycanda BİABIRÇILIQ: Ər arvadını uşaqlarının gözü önündə vəhşicəsinə döyüb, xəstəxanalıq etdi - FOTO

Azərbaycanda kişi arvadını azyaşlı övladlarının önündə döyüb.. . Bu barədə Sonxeber.az-a "Təmiz Dünya" Qadınlara Yardım İctimai Birliyinin sədri Mehriban Zeynalova məlumat verib.. . O, bildirib ki, iki körpənin önündə ər yoldaşını necə döyübsə, qadın sığınacağa özünü güclə çatdırıb və dərha

23 yanvar

Kəmaləddin Heydərovun deputat dostu namizədliyini geri götürdü - FOTO

44 saylı Sumqayıt-Xızı seçki dairəsindən deputatlığa namizəd, millət vəkili Hacı Salayev namizədliyini geri götürüb.. . Unikal.org-un əldə etdiyi məlumatına görə, Hacı Salayev 9 fevral VI çağırış növbədənkənar parlament seçkilərində iştirak etməyəcəyi ilə bağlı qeydə alındığı seçki dairəsinə müraciə

23 yanvar