"Ermənistanda Qarabağ klanı ilə Paşinyan arasındakı savaş dövlət sistemini laxladır"-RƏY
Ermənistan baş naziri Nikol Paşinynan Qarabağ klanın məşhur siması Robert Koçaryanı həbsə atdırdıqdan sonra Konistitusiya məhkəməsinin hakiminin bu klana bağlı olduğunu üzə çıxardı. Məhz Konistitusiya məhkəməsinin hakiminin qərarı ilə Koçaryan müvəqqəti azadlığa çıxmışdı. Bu onu göstərirdi ki, məhkəmə Ermənistan Konstitusiya Məhkəməsinin sədri Qrayr Tovmasyan baş nazir Nikol Paşinyanı məhkəməyə verməyə hazırlaşır.
Bu addım, "inqilabçı" hökumət tərəfindən Robert Köçəryana qarşı cinayət işinin həyata keçirilməsini əngəlləməkdə ittiham olunan Tovmasyanın son günlər ona qarşı Paşinyan tərəfindən irəli sürülən kəskin fikirlərə qarşı etiraz reaksiyası kimi səciyyələndirilir. Paşinyan faktik olaraq Konstitusiya Məhkəməsinin sədrini korrupsiyada günahlandırır və bu, heç şübhəsiz ki, Ermənistanda getdikcə kəskinləşən daxili siyasi həyatın göstəricilərindən biridir.
Ermənistanda baş nazir və Konstitusiya Məhkəməsinin sədri arasında qarşıdurma təcavüzkar Ermənistanın getdikcə sistemli iflasa uğramasına gətirəcəkmi?
Mövzu ilə bağlı Sonxeber.az-a politoloq Məhəmməd Əsədullazadə açıqlama verib. O, bildirib ki, Ermənistan baş naziri Nikol Paşinyan Qarabağ klanının məşhur siması Robert Köçəryanı həbsə atdırdıqdan sonra Konstitusiya məhkəməsinin hakiminin bu klana bağlı olduğunu üzə çıxardı:
"Məhz Konstitusiya məhkəməsinin hakiminin qərarı ilə Köçəryan müvəqqəti azadlığa çıxmışdı. Bu onu göstərirdi ki, məhkəmə hakimiyyəti ən üst səviyyədə Qarabağ klanının nəzarətindədir. Ona görə də Paşinyanın bu sahədə ilk işi məhkəmə sistemində təmizləmələrə strat verməsi oldu. Konstitusiya məhkəməsinin hakiminin Paşinyanı məhkəməyə verməsi və iki sistem arasında savaş yeni siyasi böhrana yol açacaq. Ermənistanın ədliyyə və hüquqi-siyasi bazasında çatlara gətirib çıxaracaq. Sonda bütövlükdə Ermənistan hakimiyyətində böhran dərinləşəcək. Ermənistanda demokratiya adında siyasi xaoslu və Qarabağ klanı ilə Paşinyan arasında ciddi savaş dövlət sisteminin laxlanmasına gətirir.
Fəridə Ağazadə
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş