"İndi Almaniyada baş verənləri çox təhlükəli mesaj kimi qəbul etməliyik"-RƏY

Almaniya hərbi kəşfiyyatı "MAD" 550 hərbi qullquçunun radikal sağçı olmasını müəyyən edib. Ötən il bu rəqəm 360 olub. Bu isə radikal sağın ölkədə olduğu kimi, orduda da radikal sağ güclənir.
Hərbi kəşfiyyatın rəisi bildirib ki, ötən il 14 nəfər radikal düşüncəli şəxs Almaniya ordusundan qovulub, onlardan 8 nəfəri radikal sağçı olub.
Almaniyada və ümumiiyyətlə. Son illərdə Avropada radikal sağ fikirlər sürətlə yüksəlir. Almaniyada radikal sağçı AFD (Almaniya üçün alternativ) Partiyası isə ilk dəfə 12 faizdən çox səsə qazanaraq bütün Avropanı qorxudub.
Radikal sağ fikirlərin Avropada, xüsusən də bu məsələdə "acı təcrübəsi" olan Almaniyada yenidən güclənməsi qitəyə və ümumiyyətlə, dünyaya nə vəd edir?
Sağ fikirlərin güclənməsi hansı riskləri daşıya biləcək?
Mövzu ilə bağlı politoloq Mübariz Əhmədoğlu Sonxeber.az-a açıqlama verib. O, bildirib ki, Hitler Almaniyada hakimiyyətə yalnız və yalnız demokratiya yolu ilə gəlmişdi:
"Yəni o heç bir çevriliş etmədən, heç bir diktatura üsuluna əl atmadan hakimiyyətə gəldi. Lakin faşizmi demokratik yolla hakimiyyətə gələndən sonra qurdu. Fikir vermisinizsə, Yaxın Şərqdə gedən proseslərdə tendensiya daha çox dinə cahil formada meyillənməkdən ibarətdir. Əslində burada yeganə problem dini təbliğ edənlərin cəhaləti üzərindədir. Yəni dini liderlər, din xadimləri İslam dinimizin mütərrəqi normalarını təbliğ etsəydilər, Yaxın Şərqdə çoxdan şüurda intibah baş vermişdi və bu da cəmiyyətin ümumi inkişafına, o cümlədən iqtisadi inkişafına da müsbət təsir edəcəkdi. Mən nəyə görə bu giriş ilə danışdım? Yəni bütün dünyanın bəlası Avropadan başlayıb. Biz Avropaya sosial rifah, texnologiya, demokratiya, inkişaf mənbəyi kimi baxırıq amma çox təəssüf ki, dünyanın bütün problemləri Avropadan qaynaqlanıb. Buna misal olaraq yüzillik müharibəni, ondan 3-4 əsr sonra artıq birinci, ikinci dünya müharibələrini göstərə bilərik. Ona görə də Avropa bizə təkcə müasir texnologiyanı göndərməyib, eyni zamanda ölkələrə bu müharibələr məhz Avropadan daxil olub. İndi Almaniyada baş verənləri isə çox təhlükəli mesaj kimi qəbul etməliyik.
Qeyd etməliyəm ki, Azərbaycan Prezidenti cənab İlham Əliyev hər tərəfli olaraq çox ölçüb-biçilmiş, sanballı mövzu ortalığa qoymağı bacarır. Bəzən Prezidentimiz çox həsas yanaşır, xüsusilə Avropa tərəfdən Azərbaycanda multikulturalizmə, tolerantlığa laqeyidlik halları olanda.
Çox təəssüf ki, Almaniyada əvvəl Hollandiyada, bu gün İngiltərənin özündə də baş verənləri müəyyən mənada normal düşüncə tərzi kimi qəbul etmək mümkün deyil. O ölkələrdə faşizmə çağırış olmasa da hər halda baş verənləri normal standart yanaşma prizmasından dəyərləndirmək mümkün deyil. Ordunun və xüsusi xidmət orqanlarının bir şüuru, bir ideologiyası, yəni yalnız və yalnız dövlətçilik olmalıdır. Əgər Almaniya tərəqqi, rifah, demokratik inkişaf yolunu seçirsə Almaniya ordusu və xüsusi xidmət orqanları da buna əməl etməlidir. Dövlətin xüsusi xidmət orqanları, güc strukturları dövlətin ideologiyasından kənara çıxmamalıdr. Xüsusilə qadağan olunmalıdır ki, ekstremist, separatçı, faşist ideologiyalar qurmağa yol tapa bilməsin.
Bu gün prezident İlham Əliyevin Azərbaycan üçün ortalığa qoyduğu tarixi, milli dəyərimiz olan multikulturalizm, tolerantlıq Avropa tərəfindən öyrənilməlidir. Məhz Avropada da işlər bu istiqamətdə getməlidir. Yəni Avropa başa düşməlidir ki, tolerantlıqdan uzaqlaşacaqsa həm özləri, həm də dünya üçün faciə ilə nəticələnə bilər. Bu gün Avropa dünyanının aparıcı hissəsidir. Tutaq ki, Avropa bu gün dünyanın şüur mərkəzi, elitası və dünyanın beynidir. Bəli, güc mərkəzi deyil, vahid ordusu, nüvə, raket arsenalı yoxdur. Amma buna baxmayaraq iqtisadiyyatı yaxşı vəziyyətdədir. Avropanın dünyanın elitası olmasını heç kim inkar edə bilməz. Əgər dediyiniz proseslər şüuru korlayırsa, demək bütün dünyanın özündə xaos, faciə baş verə bilər".

Fəridə Ağazadə

Telegramda izləyin

instagramda izləyin