Masallıda azyaşlı qız gəlin köçdüyü evdə dünyasını dəyişdi -TƏFƏRRÜAT

Masallı rayonunda azyaşlı qız gəlin köçdüyü evdə ölüb. Belə ki, rayonun Həsənli kənd sakini olan yetkinlik yaşına çatmayan qız iki həftə öncə Xoşçobanlı kəndindən olan oğlanla evləndirilib.

Bununla bağlı Sonxeber.az-a açıqlama verən Həsənli kənd nümayəndəsi Vəzir Hüseynov bildirib ki, azyaşlının ölmə səbəbi hələlik bəli deyil: "Çünki qızın meyiti daxili müayinə üçün ekspertizaya verilib. Ekspertizanın nəticəsindən sonra onun hansı səbəbdən öldüyü bəlli olacaq. Yetkinlik yaşına çatmayan azyaşlının evləndirilməsi ilə bağlı hüquq-mühafizə orqanlarına məlumat verilib. Hazırda hüquq-mühafizə orqanları məsələ ilə bağlı araşdırma aparır. Yəqin ki, valideynlərinin cəzası ağır olacaq".

Qeyd edək ki, bu barədə xəbəri ilk olaraq Qafqazinfo saytı yayımlayıb.

Telegramda izləyin

instagramda izləyin