"Çindən idxal olunan məhsulları İran, Ukrayna, Polşa, Türkiyə məhsulları əvəz edəcək" - RƏY

Çindən idxal olunan ərzaq məhsullarının yerli istehsalla əvəz etmək bu gün dünyanın qara yuxusuna çevrilən Koronovirusla bağlı təhlükədən gələn narahatlıqdır. Məlumdur ki, yerli məhsullarla yanaşı yerli bazarda Çin məhsullarına da təlabat vardır. Qeyd edək ki, Çindən Azərbaycana il ərzində 3 minə yaxın məhsul idxal olunur. Bunlara əsasən şabalıd, limon şirəsi fıstıq və digər məhsullar daxildir.
Bununla bağlı Sonxeber.az-a danışan iqtisadçı- ekspert Rəşad Həsənov məsələyə Azərbaycanda əsas rolu istehsalçının alıcılıq gücünun oynaması ilə başladı. O, bildirdi ki, ölkəmiz Çindən il ərzində təxminən 1, 4 milyard dollar dəyərində mal və xidmətlər idxal edir:

"Bilirik ki, Çindən idxal olunan məhsullar Azərbaycan bazarında daha aşağı qiymətə təklif olunan ucuz məhsullardır. Yəni bizdə hər 100 manatlıq məhsulun 11 manatı Çindən gətirilən məhsulların məbləğ payına düşür. Bu istiqamətdə təklifin əvəzlənməsi yalnız daha aşağı qiymətli məhsullar istehsal edən bazarlarda mümkündür. Düşünürəm ki, burda ilk növbədə böyük ehtimalla növbəti dövrlərdə İran, Ukrayna, Polşa kimi ölkələrdən Azərbaycana idxal artımı başlayacaq. Türkiyədən də ölkəmizə müəyyən məhsulların gətirilməsinə imkan var".

Qeyd edək ki, Çinin Uhan şəhərində yayılmış və artıq dünyanın başqa regionlarında da qeydə alınmış koronavirus epidemiyasına qarşı dünən Azərbaycanda ölkə Prezidenti İlham Əliyevin tapşırığına əsasən, qabaqlayıcı tədbirlərin görülməsi ilə bağlı müşavirə keçirilib.
Müşavirədə epidemiyanın Azərbaycana daxil olmasının qarşısının alınması üçün müzakirələr aparılıb.

Şəlalə Babayeva

Telegramda izləyin