Hacı Nuran: "Qismətimizdə xəstəxana ortağı olmaq da varmış"

"Bu qadını ANAM qədər sevirəm ... Tamaşaçılar üçün o tanınmış müğənni, gözəl səsli Elmira Rəhimovadır, mənimçün ANA əvəzi olan bir qadın".

Bu sözləri Hacı Nuran şəxsi instaqram hesabında paylaşdığı fotoya şərh olaraq yazıb. Bildirək ki, indi də Elmira Rəhimova Hacı Nuranı ziyarət edib.

Hazırda səhhəti ilə bağlı xəstəxana şəraitində müalicə alan Hacı Nuran şərhinə belə davam edib:

"Taleyin qismətinə bax ki, iki gün öncə mən ona bu xəstəxanada baş çəkməyə gəlmişdim ... Bu gün isə o, mənə baş çəkməyə gəlib. İnsan dərd ortağı, sirr ortağı olarmış. Amma xəstəxana ortağı olmaq da varmış qismətimizdə ... Cəmi bir palata o tərəfdə Elmira ananın yatdığını bilirdim, amma heç pərişan olmağını, üzülməsini istəmirdim. Səhərdən bəlkə 10 dəfə yanıma gəlib, kefimi soruşub. Hal-əhval tutub. Elə bilirəm ki, anam yanımdadır, nazımı çəkir. Mən onun əllərində anamın istisini duyuram. İnanın, özümü bu gün daha yaxşı hiss edirəm. Yəqin sabah bu gündən də yaxşı olacam. Çünki məni sağaldan, mənə güc verən sevdiklərimin və məni sevənlərin məhəbbətidir. Yaxşı ki varımsız"

Qeyd edək ki,Hacı Nuran televiziya kanalından birbaşa xəstəxanaya aparılıb. 43 yaşlı aparıcı xərçəng xəstəliyindən əziyyət çəkir. Onu da qeyd edək ki, bir neçə gün öncə Hacı Nuran Xalq artisti Elmira Rəhimovanın xəstəxanada görüşünə gedərək fotolar paylaşmışdı.

Şəlalə Babayeva

Telegramda izləyin

instagramda izləyin