"Xiyara görə anam başımı daşla əzdi" - İşgəncə görən uşağın DƏHŞƏTLİ ETİRAFLARI - FOTO

Azərbaycanda ana oğluna şişlə dağ basıb.

Sonxeber.az xəbər verir ki, bunu "Xəzər" televiziyasında yayımlanan və Xoşqədəm Hidayətqızının aparıcılıq etdiyi "Səni axtarıram" verilişinə müraciət edən kişi bildirib.

O, vurğulayıb ki, həyat yoldaşı ilə 10 aydır ki, ayrılıb: "2 uşağımz var. Oğlumun 9, qızımın isə 5 yaşı var. 2 yaşına kimi oğluma anası baxıb. 2 yaşından sonra oğlum zülmlər çəkib. Keçmiş həyat yoldaşım oğlumu tövləyə atıb, şişlə dağ basıb. Bütün bunlar 7-8 ay bundan öncə baş verib. Oğlumun səhhəti günü-gündən pisləşir. Uşağın qarnını təpiklə yarıblar".

Anası tərəfindən işgəncələrə məruz qalan uşaq deyib ki, atasının dedikləri doğrudur: "Anamın başıma açdığı oyunları və verdikləri işgəncələri atama, nənəmə də demişəm. Anam xiyar üstündə mənim başıma daşla vurdu. Dəcəllik etdiyimə görə, hər gün döşəmə silən ağacla məni döyürdü. Bacımı da döyüb".

Uşağın atası sonradan bunu əlavə edib: "10 ildir mən onunla ailə qurmuşam. Heç bir il evdə oturmayıb. Evə gələndə də yemək yemirdi, dava salıb qaçırdı. Uşaqlar da qayınanamın evində dünyaya gəlib. Həyat yoldaşımın psixoloji problemləri var. Oğlum mənə dedi ki, ata, məni yandırıblar. Gecə saat 10-da maşın tutub getdim. Oraya çatanda gördüm ki, uşağımın yarasından su axırdı. Nənəsi deyir ki, uşaqdan qaraciyər kababının iyisi gəlir. Oğlum onkoloji xəstə idi. Qorxudan uşağın xəstəliyi yenidən irəliləyib".

Aysel Yusifqızı

Telegramda izləyin

instagramda izləyin