"Bu diplomatik qələbə yaxın vaxtlarda torpaqların işğaldan azad ediləcəyi ümidini verir"-RƏY

Fevralın 15-də Münhen Təhlükəsizlik Konfransı çərçivəsində Azərbaycan Respublikasının Prezidenti İlham Əliyevin və Ermənistan Respublikasının Baş naziri Nikol Paşinyanın iştirakı ilə Ermənistan-Azərbaycan Dağlıq Qarabağ münaqişəsi ilə bağlı panel müzakirələri keçirilib.
N.Paşinyanın daha çox heç bir əsası olmayan, real faktlara söykənməyən arqumentlər gətirməyə cəhdi isə gülüş doğurub.
Debatın gedişatı zamanı Prezident İlham Əliyev məntiqli, tutarlı arqumentlər səsləndirməklə opponenti üzərində üstünlük qazanıb.
Prezident İlham Əliyevin tarixi faktlarla Paşinyanı susdurması və Paşinyanın tez-tez nitqində səhv etməsi ilə bağlı millət vəkili Aydın Hüseynov Sonxeber.az-a danışıb.

Deputat Aydın Hüseynov bildirib ki, Münhen Təhlükəsizlik Konfransı çərçivəsində Azərbaycan Respublikasının Prezidenti İlham Əliyevin və Ermənistan Respublikasının Baş naziri Nikol Paşinyanın iştirakı ilə Ermənistan-Azərbaycan Dağlıq Qarabağ münaqişəsi ilə bağlı debatda mənəvi-psixoloji bir mənzərənin şahidi olduq:
"İlk mərhələdən Nikol Paşinyan prezident İlham Əliyevin qarşısında özünü çox aciz apardı. Sonrakı mərhələdə prezident İlham Əliyev çox tutarlı arqumentlər və tarixi faktlarla Dağlıq Qarabağla bağlı öz fikirlərini ifadə etdi. Əlbəttə, bu tarixi faktlar qarşısında, təkcə Paşinyana yox, bütövlükdə Qarabağ problemində ermənilərə dəstək verən, eyni zamanda ermənilərin havadarları böyük zərbə aldı ki. Əlbəttə, bunlar qaçılmaz arqumentlər idi və bu öz təsirini bundan sonra da göstərəcək. Digər tərəfdən qeyd etdiyimiz kimi, debatda prezident İlham Əliyevin mənəvi, psixoloji durumunun çox yüksək tərzdə olması amma əks tərəfin isə tamamilə aciz, yazıq bir vəziyyətdə olmasına bütün dünya şahid oldu. Bu isə onu göstərir ki, əlbəttə qələbə hər zaman Azərbayacanındır. Bu görüşdə prezident İlham Əliyev dedi ki. ermənilər düşünməsin ki, Qarabağ onların olacaq. Bu isə demək olar ki, artıq böyük bir diplomatik qələbədir. Bu görüş Azərbaycanın dipolmatik qələbəsidir. Bu diplomatik qələbə yaxın vaxtlarda Azərbyacan torpaqlarının işğaldan azad ediləcəyi ümidini verir".

Fəridə Ağazadə

Telegramda izləyin

instagramda izləyin