"Ərəb ölkələri İrana qarşı İsraillə əməkdaşlığa meyl edirlər"-RƏY

İsrail baş naziri Benyamin Netanyahu ərəb və müsəlman ölkələri ilə əlaqələri yaxşılaşdırdıqlarını bəyan edib.
Baş nazir bildirib ki, hazırda İsraillə əlaqəsi olmayan az sayda ərəb və müsəlman ölkəsi qalır.
Bu günlərdə ilk dəfə ABŞ-a səfər edən İsrail təyyarəsi Sudan hava sahəsindən istifadə edib. Bundan əvvəl isə Netanyahu Uqandada Suriya Suverenlik Şurasının rəhbəri ordu generalı Əbdülfəttah Burhanla görüşüb və bu görüşdə əlaqələrin yaxşılaşdırılması müzakirə edilib.
Qeyd etmək lazımdır ki, hazırda İsraillə sülh müqaviləsi imzalamış Misir və İordaniya istisna olmaqla heç bir ərəb ölkəsi ilə rəsmi əlaqəsi yoxdur.
Ancaq son bir neçə ildə vəziyyət dəyişib, ərəb ölkələri ilə İsrail arasında əalqələr düzəlir. İlk dəfə israilli idmançılar BƏƏ-də təşkil olunan yarışa qatılıb, İsrail baş naziri körfəz ölkələrindən Omana səfər edib.
Bu vəziyyət Yaxın Şərqdə mövcud siyasi vəziyyətin dəyişməsinə işarə kimi yozulur.
Bu dəyişikik bölgədəki hərbi-siyasi vəziyyətə də təsir edə bilər?

Mövzu ilə bağlı politoloq Məhəmməd Əsədullazadə Sonxeber.az-a açıqlama verib. O, bildirib ki, İsrailin son illərdə ərəb ölkələri ilə əlaqələr qurması əsasən İranın regionda artan aqresiyasından qaynaqlanır:
"Əsasən Səudiyyə Ərəbistanı və Körfəz ölkələri ilə əməkdaşlıq pərdəarxası qurulsa da, artıq bu açıq müstəviyə keçir. Çünki, regionda siyas-hərbi vəziyyətin dəyişməsi ərəb ölkələrinin təhlükəsizliyini təhdid edir.ABŞ -ın bvasitəçiliyi ilə ərəb ölkələrinin İsraillə əməkdaşlığı müəyyən bir təhlükəsizlik səbəblərinə cavab versə də, burada İsrailin mövqeyi güclənir. Bu ölkələri öz təsir dairəsinə alır. Fələstin məsələsində ərəb ölkələri birliyinin pozulması, Tehranın Yəmən və digər ölkələrdə artan hərbi fəaliyyəti bu ölkələri İrana qarşı İsraillə əməkdaşlığa sövq etdi. Hesab edirəm ki, bu əməkdaşlıq yeni siyasi nizamın formalaşmasına və İsrailin üstünlüyü ilə reallaşacaq. ABŞ və İsrailin də strateji planı budur və reallaşır. Məhz Yaxın Şərqdə vəziyyətin gərgin mərhələyə keçməməsi üçün bu addım atılır".

Fəridə Ağazadə

Telegramda izləyin

instagramda izləyin