"Azərbaycanda alternativ enerji mənbələri kifayət qədərdir"-RƏY
Bərpa olunan enerji müqavilələri Azərbaycanın maraqları çərçivəsində dəqiqləşdirilir.
Bu gün Azərbaycanda əhalinin təbii qaz istehlakı 3 milyard kubmetr təşkil edir.
Bunu Energetika nazirinin müavini Elnur Soltanov jurnalistlərə açıqlamasında bildirib.
Onun sözlərinə görə, ölkədə ən böyük qaz istehlakçısı "Azərenerji" Açıq Səhmdar Cəmiyyətidir.
E. Soltanov "ACWA Power" və "Masdar" şirkətləri ilə imzalanan sazişdən danışaraq qeyd edib ki, günəş və külək enerjisinin istehsalını nəzərdə tutan iki stansiyanın tikintisi bir-iki il vaxt tələb edir: "Artıq icra sazişi fəaliyyətdədir. Bəzi detallar Azərbaycanın maraqları çərçivəsində dəqiqləşdirilir. Bu proseslər davam edir. Hətta ən pessimist ehtimalla, bu prosesi iki il ərzində tamamlayıb həyata keçirmək mümkün olacaq. Təbii ki, bu 440 MVt enerji qoyuluşu həmin an həyata keçirilməyəcək. Böyük ehtimalla bu güclər də mərhələli şəkildə istifadəyə veriləcək və sistemə inteqrasiya ediləcək".
Mövzu ilə bağlı iqtisadçı-ekspert Akif Nəsirli Sonxeber.az-a danışıb. O, bildirib ki, adətən neft-qaz, karbohidrogen hasil edən ölkələr indiki şəraitdə alternativ enerji mənbələrinə o qədər də önəm vermirlər:
"Bu həm onların ehtiyatları ilə, həm də həmin ölkələrin bir çoxunda alternativ enerji mənbələri bir qədər məhduddur. Amma Azərbaycanın ehtiyatları isə təxminən 40-50 il müddətinə hesablanır. Ona görə də indidən Azərbaycan hökuməti alternativ enerji mənbələri ilə məşğul olmalıdır və onun inkişaf etdirilməsini neft gəlirlərinin ölkəyə daxil olduğu vaxt reallışdırmalıdır ki, post-neft dönəmində Azərbaycan karbohidrogen, enerji idxalçısına çevrilməsin. Bu baxımdan həm də Azərbaycanda alternativ enerji mənbələri kifayət qədərdir. Ona görə də bu istiqamətdə görülən bütün işlər vacib və təqdirəlayiqdir. Amma burada bir məqamı qeyd edim ki, Azərbaycanda bu istiqamətdə bu günə qədər həyata keçirilən layihələr yalnız büdcədən səmərəsiz şəkildə istifadə ilə həyata keçirilib. Yən,i indiyədək həyata keçirilən layihilərin çox az bir qismi enerji mənbələrinin yaradılmasına xidmət edibdir. Külək, günəş enerjisi ilə işləyən qurğular quraşdırılıbdır. Düzdür, bunlar pilot layihəllər şəklində həyata keçirilib və kiçik güclərə malik olub. Amma hər halda kiçik gücə malik olsa da, kiçik həcmdə enerji verən bir mənbə kimi bu öz fəaliyyətini davam etdirməlidir. Lakin, çox təəssüflər olsun ki, həmin layihəllərin quraşdırıldığı qurğuların böyük əksəriyyəti artıq sıradan çıxıbdır. Yəni, enerji mənbəyi kimi fəaliyyət göstərmir. Ümid edirəm ki, indiki layihə daha real olacaq və Azərbaycan enerji sektorunda mənbələrdən birinə çevriləcəkdir".
Fəridə Ağazadə
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş