"Paşinyan Münhendəki tarixi silləni ömrü boyu unutmayacaq"-Emil Əkbərov
Fevralın 15-də Münhen Təhlükəsizlik Konfransı çərçivəsində Azərbaycan Respublikasının Prezidenti İlham Əliyevin və Ermənistan Respublikasının Baş naziri Nikol Paşinyanın iştirakı ilə Ermənistan-Azərbaycan Dağlıq Qarabağ münaqişəsi ilə bağlı panel müzakirələri keçirilib.
N.Paşinyanın daha çox heç bir əsası olmayan, real faktlara söykənməyən arqumentlər gətirməyə cəhdi isə gülüş doğurub.
Debatın gedişatı zamanı Prezident İlham Əliyev məntiqli, tutarlı arqumentlər səsləndirməklə opponenti üzərində üstünlük qazanıb.
Məsələ ilə bağlı "Big Group"un rəhbəri Emil Akbarov Sonxeber.az saytına açıqlama verib. O, bildirib ki, debatda İlham Əliyev hər cəhətdən Paşinyandan üstün idi:
"Debatı sona qədər diqqətlə izlədim. Erməni Baş nazir Cənab Prezidentin tutarlı faktları qarşısında söz tapa bilmirdi. Onun dəfələrlə gözlərini qaçırtması, başını aşağı salması günahkarlıq hissindən xəbər verirdi.
İlham Əliyev Paşinyanın tarixi bilmədiyini, adi faktlardan bixəbər olduğunu çox düzgün şəkildə bütün dünya ictimaiyyətinə çatdırdı. Paşinyan təkcə Prezidentimiz qarşısında yox, bütün dünya qarşısında biabır və rüsvay oldu. Hətta erməni KİV-ləri də Paşinyanın debatda uduzduğunu, rüsvay olduğunu yazdılar. Bir sıra erməni aktivistləri, alimləri, jurnalistləri ertəsi gün öz məqalələrində, bloqlarında Paşinyanı biabır etdilər.
Görün, sözün sirri, savadın sirri nə deməkdir. Bir depatla İlham Əliyev cənabları Paşinyanı darmadağın edərək növbəti dəfə Qarabağın əzəli Azərbaycan torpağı olduğunu sübut etdi".
Emil Əkbərov eyni zamanda Paşinyanın debat zamanı buraxdığı səhvlərdən də danışıb:
"Paşinyan debat zamanı tarixi biliklərə, siyasi savada, ingilis dilinə hakim ola bilməməklə yanaşı, səhvlər də buraxdı. Bu isə təbiidir, İlham Əliyevin sərrast cavabları nəticəsində özünü itirdi. Paşinyanın səhvlərinə gəldikdə, qeyd edim ki, o, 7 yerdə səhv buraxıb. II Tiqranı erməni saymaq, Cənubi Qafqaz bürosu ilə bağlı buraxdığı səhv, Qarabağın guya müstəqillik əldə etməsi ilə bağlı apardığı kökündən yanlış paralel, Xocalı Soyqırımı ilə bağlı sərsəmləmələr, BMT Təhlükəsizlik Şurasının qətnamələri ilə bağlı yanlış məlumat, Şaumyan rayonunu Dağlıq Qarabağın ərazisi saymaq, Dağlıq Qarabağın ATƏT tərəfindən münaqişə tərəfi kimi tanınması ilə bağlı yanlış fikir. Bütün bunlar Paşinyanın səriştəsiz, savadsız olduğunu bir daha sübut edir.
Qısacası, Münhendə İlham Əliyev Paşinyana tarixi sillə vurdu. Məncə, Paşinyan bu silləni uzun müddət yox, ömrü boyu unutmayacaq".
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş