"Erməni soyqırımı məsələsini Radaya çıxaran qadın erməni lobbisi tərəfindən maliyyələşir"-RƏY

Ukrayna parlamentində Xocalı soyqırımının tanınması ilə bağlı təşəbbüsün müzakirəyə açılmasıyla eyni gündə "erməni soyqırımı" məsələsinin də qabardılması təsadüfi deyil. Ukrayna Ali Radasında xanım deputat Darya Volodinanın "erməni soyqırımı qurbanlarının anılması" ilə bağlı qanun layihəsi qeydə alınıb. Maraqlıdır ki, Darya Volodina prezident Vladimir Zelenskinin rəhbəri olduğu "Xalqın qulluqçusu" partiyasının üzvüdür. Darya Volodina parlamentdə maliyyə, gömrük və vergi komitəsinin üzvüdür. Bunun özü də sual doğurur ki, dəxli olmayan komitənin üzvü nədən "erməni soyqırımı" mövzusuna maraq göstərir?

Mövzu ilə bağlı Sonxeber.az-a politoloq Məhəmməd Əsədullazadə açıqlama verib. O, bildirib ki, Ukrayna Ali Radasında Xocalı faciəsinin gündəliyə çıxarılması Azərbaycan ilə Ukrayna arasında dostluq münasibətlərinin bariz nümunəsidir. Rəsmi Kiyev daim Qarabağ münaqişəsinin həllində Azərbaycanın haqlı mövqeyini dəstəkləyib:
"Məhz Xocalı faciəsinin Ali Radada müzakirəsi Qarabağ prizmasından Ukraynanın dəstəyidir. Qeyd edim ki, Ermənistan Ukraynanın ərazi bütövlüyünü tanımır, Rusiyanın mövqeyini dəstəkləyir və Krıma birbaşa aviaresylər açıb. Hesab edirəm ki, prezident V. Zelnskinin ölkəmizə səfərində ikitərəfli əlaqələrin inkişafı baxımından uğurlu olması əlaqələrin stimullaşdırlmasına xidmət edəcək. Məhz Ukrayna xalqı Qolodomor faciəsi yaşayıb və onların Xocalı faciəsini anması hər iki xalqın faciəsində birbirlərinə dəstəyidir. Müasir beynəlxalq siyasətdə Ermənistanın hazırkı siyasəti anti-Ukraynadır. Ukraynanın ərazi bütövlüyünü tanınımamaq bu ölkəyə qarşı düşmən siyasətidir. Hesab edirəm ki, Xocalı faciəsinin və eyni gündə qondarma erməni soyqırımının gündəliyə çıxarılması sabotaj və təxribatdır. Məhz burada erməni lobbisi əsas rol alaraq Xocalı soyqırımın gündəliyə çıxarılmasının qarşısını almaq istəyir. Ukrayna hakimiyyəti Ermənistanın bu siyasətini yaxşı bilir və bu kimi erməni təxribatlarının qarşısnı almağa hazırdır. Ümumiyyətlə, Ukrayna erməni soyqırımını tanımaz. Çünki Ermənistan Krımı Rusiyanın ərazisi hesab edir. Xocalı faciəsinə rəsmi Kiyevin baxışı son dərəcə prinsipial və xarici siyasətinin əsas pioritetidir. Rəsmi Kiyev erməni qondarma soyqırımını tanımayacaq və və onların bu hərəkəti siyasi sabotajdır. Həmin qadın əsasən erməni lobbisindən pul alaraq Xocalı faciəsinin gündəliyə çıxmasının qarşısını almaq və qondarma soyqırım ilə mahiyyəti dəyişmək istəyir. Həmin qadın erməni lobbisinin pulu ilə hərəkət edib. Gərək Ali Rada rəhbərliyi bunun qarşısını almalı idi. Buradan Ukrayna səfirliyinə müraciət edirəm. Xocalı faciəsinin qurbanlarının xatirəsinə həsr olunmuş tədbir keçirsin və Erməni havadarlara bununla mesaj versinlər".

Fəridə Ağazadə

Telegramda izləyin

instagramda izləyin