Türkiyədən İdliblə bağlı MÜHÜM AÇIQLAMA
Türkiyə Suriyanın İdlib vilayətinə böyük hərbi qüvvə göndərib.
Sonxeber.az-ın məlumatına görə, Suriya ordusu qüvvələrinin Rusiyanın dəstəyilə şəhərdə irəliləməsi və Hələbin qərbindəki bütün yaşayış yerlərini ələ keçirib İdlibə daha da yaxınlaşması səbəbindən türk ordusu hərəkətə keçib.
Türkiyə üzvü olduğu NATO-ya İdlibdə əməliyyat həyata keçirəcəyini bildirərək Alyansdan şəhər üzərində qabaqlayıcı tədbir uçuşu etməsini tələb edib.
Hakim "Ədalət və İnkişaf" partiyasının bu gün keçirilən iclasında çıxış edən Rəcəb Tayyib Ərdoğan İdlib əməliyyatının an məsələsi olduğunu söyləyib.
Türkiyə Əsəd rejiminin Xan Seyhun gerisinə qədər çəkilməsini tələb edir. Bununla əlaqədar rejimə ayın sonuna qədər vaxt verilib.
Digər tərəfdən, Türk Silahlı Qüvvələri (TSK) bu gün İdlibin Cabal el Zaviye bölgəsinə daxil olub. Yerli mənbələr TSK-nın Cabal əl Zaviye bölgəsində yeni bir hərbi nöqtənin yaradacağını bildiriblər.
Fəridə Ağazadə
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş