"Türkiyənin notası ciddidir və Suriya ordusu ağır şəkildə cəzalana bilər"-RƏY
Türkiyə hökuməti Suriya hakimiyyətinə ordu qüvvələrini İdlib vilayətindən çıxarması üçün bu ayın sonuna qədər vaxt verib. Türkiyənin ABMt-dəki daimi nümayəndəsi Firiduan Sinirlioğlu deyib ki, Türkiyə İdlibdə təhlükə təşkil edən bütün hədəfləri vuracaq. O. Hərbi qüvvələrin atəşkəsə nəzarət postlarından çıxmayacağını da qeyd edib.
Eyni zamanda ABŞ Müdafiə Nazirliyinin sözçüsü Conatan Hofman bildirib ki, İdlibdə ruslar və türklər geniş bir toqquşmaya çox yaxındır.
İdlibdə böyük toqquşmanın olması Suiryada hansı dəyişikliklərə səbəb ola bilər? Rusiya ilə Türkiyənin yenidən Suriyada qarşı-qarşıya gəlməsi Ankara üçün hansı nəticələri doğura bilər və regionda böyük müharibəyə səbəb ola bilərmi?
Məsələ ilə bağlı politoloq Məhəmməd Əsədullazadə Sonxeber.az-a açıqlama verib. Politoloq bildirib ki, Türkiyənin İdlibdə hərbi əməliyyatları əsasən özünün təhlükəsizliyi baxımından vacib olsa da, İdlibdə terrorçu qrupların qalması Rusiya tərəfinin hərəkətə keçməsini diqtə edir:
"Hələki buradan terrorçu qruplar çıxmadığı üçün bu müharibə lokal şəkildə başlayıb. Türkiyənin notası ciddidir və hesab edirəm ki, Suriya ordusu ağır şəkildə cəzalana bilər. Bundan əlavə Suriya əsgəri geyimində döyüşən Hizbullah və İran hərbiçiləridir. Rusiya prezidenti Putin Türkiyənin bu qətiyyətli addımını görərək, Ərdoğanla görüşmək istəyir. Hesab edirəm ki, müharibə olmayacaq. ABŞ çalışır ki, tərəflər açıq müharibə etsin. Moskva və Ankara arasında sıx enerji və hərbi-texniki əməkdaşlıq pozula bilər. Hər iki ölkə buna getmək istəmir. Əgər silahlı qrupları Türkiyə İdlibdən çıxara bilsə, tərəflər razılığa gələ biləcək. Ümumiyyətlə, İdlib məsələsində ortaq məxrəc və kompromis var. Hələki əzələ nümayişi gedir. Kreml və Ankara bir müddət sonra razılığa gələcək".
Fəridə Ağazadə
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş