"Sosial şəbəkələrdə açar sözlər vasitəsilə müəyyən məlumatlar idarəçilərə göndərilir"-Mütəxəssis rəyi
ABŞ kəşfiyyat rəsmiləri Konqresə Rusiya kəşfiyyatının Donald Trampın yenidən seçilməsi üçün 2020-ci il prezident seçkilərinə müdaxilə etməsi ilə bağlı xəbərdarlıq edib.
Bu barədə "New York Times" hökumətdəki mənbələrə istinadən məlumat yayıb. Prezident Tramp isə demokratların bu faktdan seçkilərdə ona qarşı istifadə olunacağından narahatdır.
Qeyd etmək lazımdır ki, 2016-cı ildə ABŞ-da keçirilən prezident seçkilərində də Rusiyanın Trampın seçilməsi üçün müdaxilə etdiyi ilə bağlı iddialar ortaya atılmışdı.
Bu iddiaların yenidən gündəmə gəlməsi gözlənilməz olmasa da, mühüm bir məsələni yada salır. Dünyanın ən inkişaf etmiş və güclü kəşfiyyat, texnologiyalara sahib olan ölkəsi ABŞ-da əgər seçkilərə hansısa kənar ölkə müdaxilə edə bilirsə, bu risk digər ölkələr üçün daha böyükdür.
Mövzu ilə bağlı Sonxeber.az-a İT mütəxəssisi Kamil Məmmədov açıqlama verib. O, bildirib ki, məsələyə sırf İT sferasından baxası olsaq, burada izahı çətin olan mövzu ortalığa çıxmır:
"Çünki seçkilərdə İT fəaliyyətləri dünya praktikasında çox istifadə olunan bir yol deyil. Ümumiyyətlə Amerika ve Rusiya kimi ölkələrin xüsusi əhəmiyyət kəsb edən qurumlarında internet həmin qurumlardan demək olar ki, ayrılır. Mən inanmıram ki, seçkilərdə bu və ya digər şəkildə İT-nin xidmətindən istifadə edib seçkilərə müdaxilə olunsun. İnsanın ağlına ancaq orada qarşı tərəfə xidmət aparan yerli ve ya xarici insanların, yəni casusların iştirakı gəlir. Çünki Amerikada seşki bir neçə mərhələdən ibarət olur. İT işlərinin buraya nə qədər sirayət edəcəyini demək işin içində olmadan mümkün deyil. İT istifadə olunaraq müdaxilə edilə biləcək yeganə məqam ve ya məkan sosial mediadır. Burda xüsusi ayrılmış professional insanlar istəmədikləri namizəd haqqında geniş kütləyə dezinformasiya yaya bilər. Bundan o yana keçən bir yol düşünmək məncə sadəlövlük olardı. Hər hansı bir namizədin şəxsi seçki platformasına aid olan materialları, internetə açıq olan bir kompüterdə xakerlər üçün əl çatan olarsa, bu xakerlərin deyil, həmin insanın və onun komandasının səhvidir. Gizli dövlət servislərinin burada maksimum nəzərə alacaqları yer orasıdır ki, həmin ərəfədə ölkədə yayılan məlumatların haradan (mənbə olaraq) gəldiyini təyin etmək və cəmiyyəti bununla bağlı bilgiləndirməkdir. Buna qısa olaraq ümumi şəbəkəyə nəzarət də deyə bilərik. Şəbəkələrdə xüsusi filtr sistemleri var ki, onlar internetdə açar sözlər olaraq qeyd edilən hər bir informasiyanın xəbərdarlığını artıq sistemə nəzarət edən idarəçi ve mühəndislərə bildirir. Bu istiqamətdə araşdırmalar başlayır və nəticə onların istədiyi kimi olmursa, həmin mətnə qarşı qanunvericiliyə uyğun tədbirlər görülür".
Fəridə Ağazadə
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş