"Digər rayon icra başçılarının fəaliyyəti yoxlanılsa, analoji hallar ortaya çıxacaq"-Politoloq rəyi
Xəbər verdiyimiz kimi, Neftçala İcra Hakimiyyətinin başçısı İsmayıl Vəliyev Dövlət Təhlükəsizliyi Xidməti tərəfindən keçirilən əməliyyat nəticəsində saxlanılıb. Onun mütəmadi olaraq vəzifə səlahiyyətlərindən sui-istifadə edib təhsil, səhiyyə və digər yerli dövlət təsisatları rəhbərlərindən müxtəlif adlar altında şəxsən pul vəsaitləri tələb edərək almasına əsaslı şübhələr müəyyən olunub.
Məsələ ilə bağlı politoloq Məhəmməd Əsədullazadə Sonxeber.az-a açıqlama verib. O, baş verən həbslərin islahatların yeni dalğası olduğunu bildirib:
"Rüşvət və korrupsiyaya qarşı mübarizə sistemli və prinsipial olarsa nəticə olacaq. Tovuz, Mingəçevir, Ağstafa və Neftçalanın icra başçılarının həbsi ədalətli qərardı və digər rayon icra başçılarının fəaliyyəti yoxlanılarsa, eyni analoji hallar ortaya çıxacaq".
O, bildirib ki, icra başçı sistemi faktiki ölkənin iqtisadi və sosial quruluşuna zərbə vurur:
"Təyin olunan başçılar yalnız öz şəxsi mənafeləri üçün çalışır. Onların fəaliyyəti dövlətçiliyə zərbədir. Həbs edilən Neftçalanın ıcra başçısının 45 çox böyük arpa sahələrinin olduğu və öz mənfəəti üçün çalışması göz qabağındadır".
Politoloq bildirib ki, icra sistemi ləğv edilməli, bələdiyyə sistemi inkişaf etdirilməlidir:
"Yalnız bundan sonra idarəetmədə rüşvət və korrupsiyaya qarşı mübarizə effektli ola bilər".
Fəridə Ağazadə
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş