"Ordumuz bilməlidir ki, onun arxasında böyük Azərbaycan xalqı var"-Elman Məmmədov ehtiyatda olan polkovnikin müraciətindən DANIŞDI

Son günlər erməni KİV-lərində ehtiyatda olan azərbaycanlı polkovnik Qəhrəman Mənsimzadənin videomüraciəti tirajlanır.

Videomüraciətində ehtiyatda olan polkovnik Azərbaycan ordusu, Müdafiə nazirliyi barədə müxtəlif fikirlər səsləndirib, ittihamlar irəli sürüb. Mövzu ilə bağlı deputat Elman Məmmədov Sonxeber.az-a açıqlama verib. O, bildirib ki, həmin polkivniki tanımır:

"Amma istər istefada olan hərbçi, istərsə də sıravi Azərbaycan vətəndaşı olsun, bu gün müharibə şəraiti olan bir vəziyyətdə belə mənfi adddım atması arzuolunmaz və bəyənilməzdir:
Əgər özünü Azərbaycan vətəndaşı adlandıran insan öz ordusunun, xalqının və onu qoruyan əsgərinin ünvanına xoşagəlməz ifadələr yazırsa və düşmən də bundan Azərbaycan xalqına və dövlətinə qarşı istifadə edirsə təbii ki, bu, qəti yolverilməz haldır. Yəni, özümüz özümüzə qarşı niyə ittihamlarla çıxış edirik? Əksinə, sən istefada olan polkovniksən və uzun müddət Azərbaycan ordusunda hərbi xidmət keçmisən, ordunun üzvlərindən biri olmusan. İndi üzvü olduğun ordu haqqında xoşagəlməz ifadələr işlədərək təhqir edirsənsə, elə o sözlər sənin özünə də aid olur.

Deputat bildirib ki, biz belə nöqsanlara yol verməməliyik:

"Belə hallarla mübarizə aparmalıyıq. Biz ordumuzla fəxr etməli və qürur duymalıyıq. Əgər bacarırıqsa, əlimizdən gəlirsə, ordumuzun yanında olmalı, köməyimizi heç vaxt əsirgəməməliyik. Ordumuz bilməlidir ki, onun arxasında böyük Azərbaycan xalqı var".

Telegramda izləyin

instagramda izləyin