"İranla bağlanan müqavilə Azərbaycanın maraqlarına cavab verir"-RƏY

Fevralın 26-da Azərbaycan Respublikasının Müdafiə Nazirliyi ilə İran İslam Respublikasının Müdafiə və Silahlı Qüvvələrə Dəstək Nazirliyinin birgə işçi qrupunun Tehran şəhərində ikinci iclası keçirilib.

Azərbaycan Respublikası Müdafiə nazirinin maddi-texniki təminat üzrə müavini, general-leytenant Fuad Məmmədovun rəhbərlik etdiyi nümayəndə heyəti iranlı həmkarları ilə hərbi-texniki əməkdaşlığın hazırkı vəziyyətini və perspektivlərini müzakirə ediblər.
Görüşün sonunda birgə işçi qrupun iclasının yekun protokolu imzalanıb.

Mövzu ilə bağlı politoloq Məhəmməd Əsədullazadə Sonxeber.az-a açıqlama verib. O, bildirib ki, İranla Azərbaycan arasında ötən gün hərbi-texniki əməkdaşlıq müqaviləsinin bağlanması əsasən Azərbaycanın maraqlarına cavab verir:
"Çünki Ermənistanın İranla bu sahədə əməkdaşlığının qarşısını ala bilərik. Qeyd edim ki, enerji, nəqliyyat və hərbi-texniki sahədə İranın Ermənistanla əməkdaşlığı əgər inkişaf edərsə, bu ölkəmizə qarşı yönələ bilərdi. Hazırda İran Ermənistan üçün əsas nəfəslik olsa da, strateji sahələr üzrə əməkdaşlıq Azərbaycanla edilir. İranla bağlanan hərbi texniki müqavilə sadəcə bir sənəddir və bu sahədə əməkdaşlıq fonunda İranı öz hərbi sənayemizə cəlb etmək yolverilməzdir".
Politoloq qeyd edib ki, Azərbaycanın əsas hərbi-texniki trərəfdaşı İsrail və Türkiyədir:
"Bu ölkələrlərlə müştərək hərbi əməkdaşlıq və istehsal sahəmiz var. Rusiya və digər ölkələrlə sadəcə hərbi ticari əlaqələr yüksək səviyyədədir".
Politoloq qeyd edib ki, ümumiyyətlə bir sıra məsələlərə görə İran Azərbayacanın hərbi imkanlarının inkişaf etməsində maraqlı deyil:
"Eyni zamanda İranın müasir silah texnolgiyası yoxdur. Ona görədə bu ölkədən silah alınması səmərəli hesab etmək olmaz. İlk növbədə ABŞ-ın ölkəmizə qarşı mənfi siyasəti formalşa bilər".

Qeyd edim ki, bu gün İran şirkətləri işğal olunmuş ərazilərimizdə fəaliyyət göstərir və separtaçılarla sıx əlaqələri var. Silah sənayemizə İranın cəlb olunması bu sahədə sirlərin Ermənistana ötürülməsində ikinci dövləti cəlb etmiş olarıq. Rusiya ilə müəyyən səbəblərə görə silah ticarəti edirik. Rusiya bizə satdığı silahları paritet şəkildə Ermənistana pulsuz verir. Sabah bunu İranda edə bilər. Sadəcə hərbi texniki əməkdaşlıq müqaviləsini səthi şəkildə davam etdirməliyik".

Fəridə Ağazadə

Telegramda izləyin

instagramda izləyin