"ABŞ Dövlət Departamenti ilə ABŞ-dakı erməni təşkilatları arasında gizli savaş gedir"-RƏY
ABŞ Konqresinin Nümayəndələr Palatasının Xarici Məsələlər Komitəsində Xocalı faciəsinin 28-ci ildönümü ilə bağlı anım tədbiri keçirilib. ABŞ Kongresində erməni lobbisinin çox olduğu bir zamanda Xocalı soyqırımı ilə bağlı silsilə tədbirlərin keçirilməsi Azərbaycan ilə ABŞ arasında olan əlaqələrin möhkəm olmasından xəbər verir.
Bu barədə politoloq Mübariz Əhmədoğlu Sonxeber.az-a açıqlama verib. O, bildirib ki, ABŞ-ın Dağlıq Qarabağ məsələsində mövqeyi artıq çoxdandır obyektivləşib və beynəlxalq hüququn dəstəklənməsi istiqamətindədir:
"Əgər Dağlıq Qarabağ məsələsinin tənzimlənməsində hansısa bir dövlətin mövqeyi obyektivdirsə, beynəlxalq hüququ dəstəkləyirsə, bu həmin dövlətin ermənilərdən, ermənipərəstlikdən uzaqlaşması və müəyyən mənada Azərbaycana yaxınlaşması deməkdir.
Doğrudan da ABŞ Kongresində Azərbaycanpərəst, eyni zamanda Türkiyəpərəst kongresmenlər var. Təbii ki, onlar həmişə Dağlıq Qarabağ və qondarma "erməni soyqırımı" məsələsində də ədalətli və obyektiv mövqedə olublar və bu indi də elədir".
Politoloq qeyd edib ki, oxucuların çox az bildiyi məlumatlardan biri də ABŞ Dövlət Departamenti ilə ABŞ-dakı erməni təşkilatları arasında müharibənin getməsidir:
"Yəni, ABŞ Dövlət Departamenti Dağlıq Qarabağ məsələsi ilə bağlı yenilənmiş model prinsipləri əsasında hazırlanmış variantı dəstəkləyir. Bilirsiniz ki, həmin yenilənmiş prinsipə görə Dağlıq Qarabağ müstəqil və Ermənistanın tərkibində ola bilməz. Bir müddətdən sonra Dağlıq Qarabağ azərbaycanlıları Dağlıq Qarabağa qayıtdıqdan sonra bu əhaliyə seçim hüququ verilə bilər ki, özlərinin gələcəyini müəyyənləşdirsinlər, əlbəttə ki, Azərbaycanın tərkibində. Yəni yenilənmiş model prinsipi bundan ibarətdir. Bu prinsipin ortalığa qoyduğunu rəsmi İrəvan, Dağlıq Qarabağdakı ermənilər o cümlədən dünya erməniləri qəbul etmək istəmir və etmir. Nəhayət uzun müddətdir ki, ABŞ ermənilərinin ABŞ Dövlət Departamentinə qarşı apardığı müharibədə ABŞ Dövlət Departamentindən cavab verdi ki, biz bu yenilənmiş prinsipi dəstəkləyəcəyik və yazda da ciddi bir nəticə əldə olunmalıdır.
Bunu deməkdə məqsədim odur ki, ölkə prezidenti cənab İlham Əliyevin və Azərbaycan Diplomatiyasının Dağlıq Qarabağ məsələsinin həlli istiqamətində apardıqları səmərəli və uğurlu iş həm Xocalı soyqrımının dünyada anılmasında, həm Dağlıq Qrabağ həqiqətlərinin dünya ictimaiyyətinə çatdırılmasında yeni-yeni irəliləyişlərin olduğunu göstərir.
Ona görə də ABŞ Kongresində bundan sonra ermənilərin nə etməsindən asılı olmayaraq, orada artıq Dağlıq Qarabağ məsələsində Azərbaycanpərəst qüvvələr getdikcə daha güclənəcək və ermənilərin zəifliyini hiss edəcəyik".
Politoloq bildirib ki, Ermənilər martın 31-də Dağlıq Qrabağda qondarma seçkilərin keçirilməsində ABŞ Konqresmenlərindən bir qrupunun iştirak etməsinə çalışırlar:
"Amma ABŞ Konqresmenləri bundan imtina etdilər. Sadəcə onlar dedilər ki, biz ora köməkçilərimizi göndərəcəyik. İndi rəsmi Bakı, şəxsən Prezident Adminstrasiyası, o cümlədən bizim Xarici İşlər Nazirliyi elə edəcəklər ki, ABŞ konqresmenlərinin heç köməkçiləri də qondarma seçkiləri izləməyə gəlməyəcək".
Fəridə Ağazadə
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş