Polis üç rayonda əməliyyat keçirdi: Həbs olunanlar var

Salyan rayonunda narkotik alverçisinin həbs edilməsi üçün əməliyyat keçirilib.

Teleqraf.com xəbər verir ki, Salyan rayon polis şöbəsi əməkdaşlarının əldə edilmiş məlumat əsasında keçirdikləri əməliyyat tədbiri nəticəsində narkotiklərin qanunsuz dövriyyəsində şübhəli bilinən şəhər sakini S.Zülfüqarzadə saxlanılıb.

Şəxsi axtarış zamanı ondan 460 qram marixuana aşkar edilərək götürülüb.

Bundan başqa, Ağdaş rayon polis şöbəsi əməkdaşlarının əldə edilmiş məlumat əsasında keçirdikləri əməliyyat-axtarış tədbirləri nəticəsində Qəribli kənd sakini A.Hüseynovdan müvafiq sənədləri olmayan "TOZ-16" markalı tüfəng aşkar edilib.

Oxşar əməliyyat Şabran rayonunda da keçirilib.

Şabran rayon polis şöbəsi əməkdaşlarının əldə edilmiş məlumat əsasında keçirdikləri əməliyyat-axtarış tədbirləri nəticəsində Rəhimli kənd sakini V.Musayevdən müvafiq sənədləri olmayan "İJ-16" markalı tüfəng aşkar edilərək götürülüb.

Hər üç faktla bağlı cinayət işi başlanıb.

Telegramda izləyin

instagramda izləyin