"Növbəti mövsümdə Azərbaycan Rusiyaya ixracı artıra bilər"-RƏY

Bəzi ekspertlərin fikrincə, rublun dəyərdən düşməsinə səbəb olan Rusiya birja indekslərinin (koronovirus, neftin ucuzlaşması) rekord dərəcədə azalması, həmçinin Rusiya Federasiyası Mərkəzi Bankının uçot dərəcəsinin aşağı salınması ilə bağlı ardıcıl siyasəti qonşu ölkələrlə ticarət balansına, xüsusilə Azərbaycana təsir göstərə bilər.
Son hadisələrin Azərbaycan-Rusiya ticarətinə nə dərəcədə təsir göstərə bilər?
Azərbaycan mallarına (güclü manat) tələbatın azalmağı mümkündürmü? rublun dəyərdən düşməsi səbəbindən Rusiya idxalı arta bilərmi?

İqtisadçı-ekspert Akif Nəsirli mövzu ilə bağlı Sonxeber.az-a açıqlama verib. O, bildirib ki, rublun dəyərdən düşməsi daxili iqtisadi böhranla bağlıdır:
"Burada ticarət balansının aşağı düşməsi rublun dəyərsizləşməsinə səbəb olur. Hesab edirəm ki, daxildə rublun dəyərdən düşməsi Azərbaycandan Rusiyaya ixrac edilən məhsulların artmasına səbəb ola bilər. Həmçinin bu sanksiyalarla bağlıdır. Rusiyadan ixrac aşağı düşür və ona görə də ölkəyə valyuta axını da azalır. Valyuta axını azaldığına görə rublun dəyərdən düşməsi də təbiidir. Bununla yanaşı, Rusiyaya idxal da azalır. İdxalın azalması fonunda sərbəst bazar yaranır.Hesab edirəm ki, növbəti mövsümdə Azərbaycan bu boşluqdan istifadə edə bilər. Yəni, digər ölkələr ilə müqayisədə Azərbaycanın Rusiyaya ixracı arta bilər. Bu da Azərbaycanın xarici ticarət balansının və sahibkarların öz satış bazarlarının genişləndirməsi üçün stimul yarada bilər".

Fəridə Ağazadə

Telegramda izləyin