"Daşınmaz əmlak bazarında qeydiyyatla bağlı nəzərə çarpan saxtakarlıqlar aşkar olunmayıb"-RƏY
Azərbaycanda mənzil bazarının inkişafı ilə daşınmaz əmlak müqavilələrinin qeydiyyatı zamanı saxtakarlıq faktlarının aşkarlanması aktuallaşır. Doğrudur, qurum resurslarında vətəndaşlarımız haqqında əksər məlumatların cəmləşdiyi e-gov.az hökumət portalı yüksək səviyyədə qorunur, lakin ekspertlərin fikrincə, bu resurslar hələ də daşınmaz əmlakla bağlı müqavilələrin qanuniliyinə nəzarət vasitələrini həyata keçirə bilmir. Bu sahədə maraqlı təcrübə "Elektron Notariat" sisteminin və Vahid İnformasiya Sisteminin elektron reyestrlərinin tətbiq olunduğu Rusiya tərəfindən təklif edilə bilər ki. Bu sistemlər müqavilə və digər notariat fəaliyyətlərinin qanuniliyinə güclü nəzarət vasitəsinə çevrilib.
Rusiyada tətbiq olunan sistemin Azərbaycanda tətbiq üçün nə qədər uyğundur? Qonşu ölkədə və Azərbaycanda daşınmaz əmlakın qeydə alınması və sənədləşməsi sahəsində prosedurlar arasında paralellər necədir? Daşınmaz əmlak bazarımızda nə qədər tez-ez daşınmaz əmlak saxtakarlığı faktı ilə üzləşirik?
Mövzu ilə əmlak-eksperti Nüsrət İbrahimli Sonxeber.az-a açıqlama verib. O, bildirib ki, 2000-ci ilin əvvəllərindnə biz saxtakarlıq faktlarının aşkarlanması ilə rastlaşırdıq. Rusiya ilə müqayisədə o hallar bizdə daha az nəzərə çarpıb.
Ekspert bildirib ki, 2002-ci ildən bu bazarda olduğu üçün onun təcrübəsində ötən illər ərzində belə hallar ilə cəmi üç dəfə qarşılaşıb:
"Rusiyada belə hallar müxtəlif illərdə kütləvi xarakter alıb. Amma bizdə bu sahədə nəzarət nisbətən güclüdür və təbii ki, zamanla daha da güclənəcək. Son illərdə bildiyiniz kimi Əmlak Məsələləri Dövlət Komitəsi, o cümlədən Ədliyyə Nazirliyi notariat xidmətləri həm vətəndaşlar, həm də öz aralarında elektron xidmətlərə keçiblər. Artıq vətəndaşların bir çox hallarda
Əmlak Məsələləri Dövlət Komitəsinə birbaşa müraciət etmələrinə ehtiyac yoxdur. Həmin çıxarışların, texniki pasportların, arayışların alınması və bir çox xidmətlərin hamısı ümumilikdə elektron səviyyəyə keçirilib ve elektron portalı üzərindən bu xidmət, həmçinin "ASAN" Xidmət vasitəsi ilə də xidmət göstərilir. Bizdə son illər bu daşınmaz əmlak bazarında qeydiyyatla bağlı nəzərə çarpan saxtakarlıqlar aşkar olunmayıb və burada risk də, demək olar ki, minimum səviyyədədir".
Fəridə Ağazadə
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş