Bill Geyts "Microsoft" rəhbərliyini tərk etdi

"Microsoft" şirkətin qurucusu və texnologiya məsləhətçisi Bill Qeytsin rəhbərliyi tərk etdiyi açıqlanıb.

Sonxeber.az "Anadolu Ajans"ı-na istinadən xəbər verir ki, ABŞ-ın qabaqcıl texnologiya şirkətlərindən biri olan "Microsoft" şirkətinin qurucusu və texnoloji məsləhətçisi Bill Qeytsin rəhbərliyi tərk etdiyi açıqlanıb.

"Microsoft"un verdiyi açıqlamada Bill Gates şirkətin idarə heyətini qlobal sağlamlıq, inkişaf, təhsil və iqlim dəyişikliyi ilə mübarizə kimi xeyriyyə işlərinə daha çox vaxt ayırmaq üçün tərk etdiyini bildirib.

Açıqlamada Bill Geytsin "Microsoft"un baş meneceri Satya Nadella və şirkətdəki digər idarəçilərə texnoloji məsləhət verməyə davam edəcəyi qeyd edilib.
1975-ci ildə Pol Allen ilə Microsoft şirkətini quran Gates bununla bağlı Linkedin hesabında paylaşım edib.
Sözügedən paylaşımda Bill Qeyts "Microsoft"la yanaşı 2004-cü ildən işlədiyi və milyarder Uorren Baffetə məxsus "Berkshire Hathaway" şirkətindəki rəhbər postundan da ayrılmaq qərarı qəbul etdiyini bildirib.

Həmçinin Bill Geyts, "Microsoft ilə əlaqədar olaraq, rəhbər vəzifədən ayrılmağım şirkətdən uzaqlaşmağım demək deyil. Microsoft həmişə həyatımın vacib bir hissəsi olacaq və şirkətə məqsədlərinə çatmasına kömək etmək üçün Satya ilə əlaqə saxlamağa davam edəcəm. Şirkətin inkişafında dünyaya necə fayda verə biləcəyim ilə əlaqədar çalışacam və özümü həmişəkindən daha nikbin hiss edirəm", - deyə bildirib.

Fəridə Ağazadə

Telegramda izləyin

instagramda izləyin