ABŞ vətəndaşlarına min dollar verəcək-SƏBƏB

Çində başlayan koronavirusa görə xəstəlik dünya miqyasında təhlükə yaradıb. Bunun qarşısını almaq üçün Tramp rəhbərliyi bütün vətəndaşlara xərcləmək üçün min dollar verməyi hədəfləyib.

Sonxeber.az-ın məlumatına görə, koronavirus təhlükəsi insan sağlamlığı ilə yanaşı iqtisadi həyata da təsir edib. Xüsusən aviasiya və turizm kimi sahələr başda olmaqla, kənd təsərrüfatından fabriklərə qədər, bütün biznes sahələrinə bu epidemiya mənfi təsir edib. Mütəxəssislərin fikrincə, koronavirusla əlaqəli karantin tətbiqləri və çaxnaşma dünya iqtisadiyyatında tənəzzül təhlükəsi yaradır.

ABŞ-da Tramp rəhbərliyi bu təhlükəni aradan qaldırmaq üçün çarə olaraq hamıya pul paylamağı planlaşdırıb.

Ağ Evdən verilən məlumata görə, ABŞ Maliyyə Nazirliyi aprel ayına qədər bütün amerikalılara min dollarlıq çek göndərməyi hədəfləyir.

Beləliklə, ölkədə 250 milyondan çox insana xərcləmək üçün vəsait ayrılacaqdır.

Fəridə Ağazadə

Telegramda izləyin

instagramda izləyin