ÜST-ün baş direktoru: "Peyvənd 18 aya hazır olacaq"

"Dünyada 100 mindən çox insan koronavirusun yaratdığı xəstəlikdən sağalıb".

Bu barədə Ümumdünya Səhiyyə Təşkilatının baş direktoru Tedros Adhanom Qebreyesus Cenevrədə keçirilən mətbuat konfransında deyib.

"İndi yarım milyondan çox insan koronavirusa yoluxub və 20 mindən çox insan isə dünyasını dəyişib. Ancaq unutmayaq ki, dünyada 100 mindən çox insan virusdan sağalıb. Virusa qarşı peyvənd hazırlamaq üçün ən azı 18 ay lazımdır. Bu vəziyyətdə, təcili olaraq xəstələrin müalicəsi və həyatını xilas etmək üçün terapevtik maddələrə ehtiyac var.

İspaniya və Norveçdə, dörd fərqli dərman və dərman birləşməsinin sınaqları keçirilib. "COVID-19"un müalicəsi üçün terapevtik maddələrin sınaqlarına qısa müddətdə başlanılacaq. Söhbət 45 ölkənin kömək etdiyi tarixi sınaqladan gedir"-deyə, baş direktor bildirib .

Tedros Qebreyesus koronavirusa qarşı yeni dərman yaranana qədər fərdləri və ölkələri virusun müalicəsində effektivliyini göstərməmiş terapevtik maddələrdən istifadə etməkdən çəkinməyə çağırıb.

"Pandemiya qarşısında "təcili təhdidlərdən" biri qoruyucu vasitələrin qlobal çatışmazlığıdır. ÜST 74 ölkəyə 2 milyon qoruyucu tibbi dəst göndərib. Tibb işçiləri risk altında olduqda, hamımız risk altında oluruq".

O, həmçinin ÜST-ün yaratdığı Koronavirusla Mübarizəyə Dəstək Fonduna 108 milyon ABŞ dolları həcmində yardımın daxil olduğunu bildirib. İanələr 203 min şəxs və təşkilatlar tərəfindən edilib. (report)

Telegramda izləyin

instagramda izləyin