Bakıda koronavirus xəstəsinin öldüyü xəstəxanadan GÖRÜNTÜLƏR

Bu gün Azərbaycanda daha bir nəfər koronavirus infeksiyasından vəfat edib.

Bununla bağlı Nazirlər Kabineti yanında Operativ Qərargah məlumat yayıb.

AZTV 1951-ci il təvəllüdlü Azərbaycan Respublikasının vətəndaşının öldüyü xəstəxanada çəkiliş aparıb.

Qeyd edək ki, xəstə ağır gedişli iki tərəfli pnevmoniya, üçüncü dərəcə tənəffüs çatışmazlığından əziyyət çəkib, xəstənin anamnezində ürəyin işemik xəstəliyi, xroniki kardiomiopatiya, şəkərli diabet olduğu, həmçinin, angioplastika (stendin taxılması) əməliyyatı keçirdiyi göstərilib. Pasiyentdən COVID-19 üçün götürülən analiz nümunələri müsbət çıxıb.

Xəstənin səhhətinin stabilləşdirilməsi ilə bağlı aparılan reanimasiya tədbirləri nəticə verməyib. Hazırda onun ailə üzvləri və ünsiyyətdə olduğu digər şəxslər müəyyən edilir və karantinə götürülür.

Bundan başqa, bu gün ölkədə 17 yeni koronavirus (COVID-19) infeksiyasına yoluxma faktı qeydə alınıb.

Bizimlə əlaqə saxlayın
Bizi Telegram-da oxuyun. Azərbaycanın və dünyanın ən vacib xəbərləri
Şahidi olduğunuz hadisələri çəkib bizə göndərin!

ANDROID əməliyyat sistemli smartfonlar

iOS əməliyyat sistemli smartfonlar

Telegramda izləyin