"Cəbhədəki təxribat ermənilərin ordudakı koronavirusdan cəmiyyətin fikrini yayındırmaq cəhdidir"-RƏY

Ermənistanla Azərbaycanın işğal olunmuş əraziləri arasında gediş-gəlişə məhdudiyyət qoyulub. Separtaçılar tərəfindən Qarabağdakı ermənilərin Ermənistana daxil olması qəti qadağan edilib. Bundan əlavə, onların Ermənistan pasportu ilə xaricə çıxışı da yasaq edilib.
Mövzu ilə bağlı politoloq Məhəmməd Əsədullazadə Sonxeber.az-a açıqlama verib.

Politoloq bildirib ki, Qarabağdakı qondarma prezidentliyə namizəd Vitali Balasanyanın, həmçinin Ermənistan Baş qərargah rəisi Artak Davtyanın koronovirus şübhəsi ilə xəstəxanya gedib və test edilib. Ermənistanın son günlərdə cəbhədə və dövlət sərhəddində təxribatlara cəhd etməsi məhz erməni ordusunda baş verən viruslardan erməni ictimaiyyətinin fikrini yayındırmaq cəhdidir.

Ermənistandan Qarabağa gələn ərzaq və digər malları ermənilər artıq öz həyatları üçün təhlükə hesab edirlər.
Qeyd edim ki, Ermənistanın Baş Qərargah rəsinin bu günlərdə Rusiyanın 102-ci bazasında olan yüksəkrütbəli zabiti ilə görüşməsindən sonra onda bu virusun əlamətləri ortaya çıxıb.

Demək, Rusiyanın 102 bazası Ermənistan üçün potensial virus mənbəyidir. Hətta Qarabağdakı qondarma prezidentliyə namizəd V. Balasanyanda da virus Serj Sarkisyanın Respublikaçılar partiyasının funksionerinin seçki ilə bağlı Qarabağa gedərək Balasanyanla görüşündən sonra məlum olub.

Göründüyü kimi Ermənistanda bu virusun acı nəticələrinə baxmayaraq onların işğal olunmuş ərazilərdə seçki şousu sadəcə sənəd üzərində keçiriləcək. Heç bir erməni virusa görə səsvermə məntəqələrinə getməyəcək.

F.Ağayeva

Telegramda izləyin

instagramda izləyin