"ABŞ-ın İran dəstəkli qüvvələrə qarşı müharibə aparamaq planı masa üzərindədir"-RƏY

ABŞ ordusu son həftələrdə artıq 3-ü hərbi bazanı boşaldaraq İraq ordusuna təhvil verib. Pentaqonun hərbi qüvvələri tamamailə İraqdan çıxardığı və ya əsgərləri digər hərbi bazalara yerləşdirdiyi dəqiq bilinmir.

Bir neçə gün əvvəl isə ABŞ ordusu Birləşmiş Ərəb Əmirlikləri ərazisində BƏƏ ordusu ilə birlikdə "Yerli Qəzəb" adlı taktiki təlimlər keçirib. Süni yaradılmış müsəlman şəhərinə "hücum edən" ABŞ və BƏƏ ordusu hava və dəniq piyadaları vasitəsilə əməliyyat keçirib. Qərb mətbuatı bu əməliyyatın Yaxın Şərqdə ehtimal ki, İrana qarşı savaş məşqi olduğunu yazsa da, komandirlər bu əməliyyatın iki ildən bir keçirildiyini bildirib.
Lakin ABŞ ordusunun sürətlə İraqdakı bazaları boşaltması və körfəzin daha etibarlı ölkələrində müharibə məşqləri etməsi indi Pentaqonun yeni savaşa başlayacağı ilə bağlı şübhələrə səbəb olub.

Mövzu ilə bağlı Sonxeber.az-a politoloq Məhəmməd Əsədullzadə açıqlama verib.

Politoloq bildirib ki, son vaxtlar İraqda ABŞ-ın hərbi bazalarına qarşı intensiv raket hücumları olur. Bu əsasən İranın Qüds briqadasının komandanı Q. Süleymanin öldürülməsindən sonra intensiv hal alıb:

"Təbii ki, bu hücumları İran deyil, əsasən İran dəstəkli qüvvələr həyata keçirir. Pentaqon İran dəstəkli qüvvələrə qarşı hərbi əməliyyatın keçirilməsini əmr versə də, bu, siyasi elita daxilində fikir ayrılıqlarına səbəb olub. Çünki bu ABŞ ordusuna qarşı intensiv hücümların çoxalmasına gətirə bilər. Ona görə də ABŞ digər variantlar üzərində çalışır. İraqda Kətaib, Hizbullah və digər İran dəstəkli qüvvələr ABŞ qarşı yeni hücum planları hıyata keçirməyi planlayır. Bu hücumların arxasında birbaşa İranın durması ABŞ-a sirr deyil.

Ona görə də ABŞ ciddi şəkildə yeni müharibə hazırlıqlarına başlayıb. İraqda yeni müharibənin alovlanması baş verə bilər. Bu İranla olmasa da artıq ABŞ görür ki, İraq onun nəzarətindən çıxır və İranın dəstəklədiyi təşkilatlar orduda və siyasi proseslərdə aktiv rol oynayır, ABŞ-ı sıxışdırır. Ona görə də Vaşinqton artıq İrana birbaşa olmasa da İraq üzərində çox ciddi problemlər yaradacaq və tərəflərin İraq ərazsində yeni müharibə etməsi qaçılmaz ola bilər. Ona görə də ABŞ yeni hərbi təlimlərə strat verir. Mobil qüvvvələr İran dəstəkli qüvvələrə zərbə endirəcək. Ona görə də ABŞ az itkidən çıxmaq üçün İraqda öz hərbi personalının çox hissəsini çıxarır. Əsasən havadan İran dəstəkli qüvvələrə qarşı müharibə aparamaq planı masa üzərindədir".

F.Ağayeva

Telegramda izləyin

instagramda izləyin