İşğal altındakı Qarabağda keçirilən qondarma seçkiləri heç bir dövlət tanımadı-RƏY
Azərbaycanın işğal olunmuş ərazilərində Ermənistanın keçirdiyi qondarma seçkilər birmənalı şəkildə heç bir dövlət tərəfindən tanınmır. Bununla bağlı verilən bəyanatlar, prinsipial yanaşmalar birdaha göstərir ki, dünya birliyi konkret olaraq işğala və separatizmə qarşıdır.
Mövzu ilə bağlı politoloq Məhəmməd Əsədullazadə Sonxeber.az-a açıqlama verib. Politoloq bildirib ki, Qarabağda qondarma seçkilərlə bağlı Türkiyədən, Ukraynadan verilən bəyanatlar Azərbaycanın ən yaxın tərəfdaşı olduğunu göstərdi:
"Qeyd edim ki, ATƏT-ın Minsk qrupunun verdiyi bəyanat sadəcə diplomatik yanaşma idi və burada ortaq mövqeyin sərgilənməsi başa düşülən deyildi. Halbuki Minsk qrupununun bəyanatı belə bir seçkilərin keçirilməsinə qarşı olduğunu bildirməli idi. İşğala məruz qalan və işğalçı ölkəni eyni mövqedə təqdim etməklə bu formatdan ədalət gözləməyə dəyməz.
İran İslam Respublikasının qonşu ölkə kimi bu qondarma seçkilərə və işğala yanaşması, bu ölkənin dini idelogiyasına qarşı olmaqla yanaşı, Azərbaycanla qonşuluq tərəfdaşlığında bu məslədə Ermənistanın xətrinə dəyməmək kursu götürüldü. İranın Ermənistandan heç bir asılı vəziyyəti yoxdur və Yereavan Tehrana möhtacdır. Ona görə də İranın verdiyi bu bəyanat Ermənistana dəstəyin ifadəsi kimi baxılmalıdır.
Qeyd edim ki, İran daima qeyd edir ki, rəsmi Tehran münaqişənin həllində daha da effektli ola bilər. Amma Qarabağda keçirilən qondarma seçkilərdə İranın verdiyi bəyanat birdaha göstərdi ki, İran münaqişənin həllində səmimi deyil və verdiyi bəyanatda işğalçı ölkənin adını çəkmir, separtizmi pisləmir. Belə bir mövqe ilə artıq rəsmi Tehranın münaqişənin həllində tutacağı mövqe aydın göründü".
F. Ağayeva
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş