"Muzdlu işləyənlərə yardımlar olunacaq"-Deputatdan ŞAD XƏBƏR

Xəbər verdiyimiz kimi ölkə ərazidində sərtləşdirilmiş karantin rejim elan olunub. Lakin bir çoxları qaydalara əməl etmirlər. Bəziləri isə acından ölməmək üçün evdə qalmamaqla əsaslandırırlar.

Bununla bağlı Sonxeber.az-a danışan deputat Fazil Mustafa bildirib ki, muzdlu işləyən vətəndaşların yaşadıqları rayon icra hakimiyyətində onların adı sistemləşdirilsin: "Beləliklə onların adı siyahıya əlavə edilsin. Artıq dövlətin sosial paketi açıqlanır. 300-400 mindən çox muzdlu işləyən insanlara yardım edilməsi məsələsi qoyulub. Muzdlu işləyənlərə yardımlar olunacaq. Bu məsələdə hər hansı panika yaratmağa ehtiyac yoxdur. Dövlət tərəfindən mərhələli şəkildə adımlar atılır. Kimlərinsə siyahıda adı olmayacaqsa, onlar özləri müvafiq qurumlara müraciət edib, özləri barəsində məlumat versin. Hər hansı bəhanələrlə karantin rejiminə əməl etməyənlərlə bağlı qanunların sərtləşdirilməsinə ehtiyac var. Cəzalandırılan insanlar olacaqsa onların saxlama yerləri də ayrı olmalıdır. Yəni, qadın kişi saxlama məntəqələrinin yaradılması vacibdir.Ən azı insanlar bilməlidir ki, bu məcburiyyətdən irəli gəlir. Çünki ciddi xəstəlik simptomları var. Müharibə şəraitində yaşayırmış kimi məsələyə yanaşılmalıdır. Burada vətəndaşın narahatçılığını anlamaq lazımdır. Amma bu narahatçılığa görə insanları fəlakətə sürükləmək və onların həyatını təhlükəyə atmaq olmaz".

Aysel Yusifqızı

Telegramda izləyin

instagramda izləyin