Koronavirus NATO-nun iclas və təlimlərini də "vurdu"
Çinin Vuhan şəhərində yaranan yeni növ koronavirusun (Kovid-19) yayılmasının iqtisadi və sosial təsirləri davam edərkən, virus Qərb dünyasının ən vacib hərbi ittifaqı olan NATO-ya da təsir göstərib.
Sonxeber.az "Anadolu Ajansı"na istinadən xəbər verir ki, NATO Qərargahında və hərbi heyətdə Kovid-19-un aşkarlanması İttifaqın təlimlərinə zərbə vurub.
Martın 30-na olan məlumata görə, Brüsseldəki NATO qərargahında Kovid-19-a yoluxan işçilərinin sayı 5-ə çatıb. Dəqiq say olmasa da, dünyanın müxtəlif yerlərində xidmət edən hərbçilər arasında da yoluxmaların olduğu bildirilib. Qərargahda işçilərin və iclasların sayı azaldılıb, eyni zamanda vacib olmayan ezamiyyətlərə də qadağa qoyulub.
Digər tərəfdən, xarici qonaqlar qərargaha qəbul edilmədiyi halda, ildə iki dəfə təşkil olunan Xarici İşlər nazirlərinin iclası da ilk dəfə virtual mühitdə keçiriləcək.
Belə ki, Xarici İşlər Nazirləri, sabah "ilk dəfə videokonfrans" vasitəsilə ölkədə təhlükəsizlik məsələləri ilə bağlı müzakirələr edəcək .
F.Ağayeva
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş