"Cənab prezidentimizin imzaladığı sərəncamlar insanlarımızın sosial durumunun yaxşılaşdırılmasına xidmət edir" - DEPUTAT

"Dövlətimiz tərəfindən atılan bütün addımlar insanlarımızın sağlamlıqlarını qorumaqla yanaşı həm də sosial durumunun yaxşılaşdırılmasına xidmət edir".

Bunu Sonxeber.az-a danışan deputat deputat İqbal Məmmədov deyib.

Deputat qeyd edib ki, bütün dünyada pandemiya kimi qəbul olunan koronavirus bütün dünya ölkələrinin iqtisadiyyatına mənfi təsir göstərməkdədir:
"Cənab prezidentimiz koronavirusun ölkə iqtisadiyyatına təsirini azaltmaq üçün 1 milyard manat ayırdı.1 milyard manata yaxın vəsaitin ayrılması və dörd İşçi Qrupun yaradılmasında əsas məqsəd sahibkarların bu prosesdən minimum təsirlənməsi ilə yanaşı vətəndaşlara koronavirusun iqtisadi cəhətdən təsirini minimuma endirilməsdir. Azərbaycan Respublikasının Prezidenti İlham Əliyevin "Koronavirus (COVİD-19) pandemiyasının və bundan irəli gələrək dünya enerji və səhm bazarlarında baş verən kəskin dalğalanmaların ölkə iqtisadiyyatına, makroiqtisadi sabitliyə, ölkədə məşğulluq məsələlərinə və sahibkarlıq subyektlərinə mənfi təsirinin azaldılması ilə bağlı bir sıra tədbirlər haqqında" sərəncamına əsasən bilirsiniz ki, elektrik enerjisindən güzəştli istifadə limiti 300 kVt/saatdan 400 kVt/saata çatdırılır. Yəni limit 100 kVt/saat artırılır. Bundan əlavə 249 min fərdi sahibkara dövlət dəstək verəcək. Ən önəmlisi isə 304 min muzdlu işçinin əmək haqlarının dövlət tərəfindən ödənilməsi nəzərdə tutulur. Belə ki, 304 min nəfərin 106,4 min nəfəri ticarət, 87 min nəfəri xidmət, 78,8 min nəfəri sənaye, 7,8 min nəfəri nəqliyyat, 24,6 min nəfəri isə digər sektorda çalışır. Ümumilikdə bu sektorlar üzrə 20 fəaliyyət sahəsi nəzərdə tutulur.Bütün bu qərarlar koronavirusun insanlarımızın yaşayış şəraitinə göstərəcək mənfi təsirin qarşısını almağa xidmət edir. Cənab prezidentimizin imzaladığı bu sərəncamlar və Azərbaycanın Birinici vitse-prezidenti Mehriban xanım Əliyevanın bu gün insanlara müraciəti onların xalqımızın həm sağlamlığını, həm də sosial rifahını nə qədər çox düşündüklərinin göstəricisidir. İnanıram ki, cənab prezidentimizin uzaqgörən siyasəti və atdığı mühüm addımlar sayəsində pandemiyanın iqtisadiyyatımıza təsirini azaldacaq. Koronavirusdan canımızı qurtarmaq üçün insanlarımızın üzərinə böyük məsuliyyət düşür. Çünki ölkə başçısı və dövlətimiz tərəfindən koronavirus əlehinə çox ciddi addımlar atır. İnsanlarımızın Operativ Qərərgahın qərarlarına, şəxsi gigiyena qaydalarına riayət etməsi vacibdir. Belə olan halda biz bu bəladan tezliklə qurtula bilərik".

Telegramda izləyin

instagramda izləyin