"İlham Əliyev dövlətini və xalqını düşünən ölkə başçısısdır"-Deputat

"Cənab prezident dövlətini və xalqını düşünən ölkə başçısısdır".

Bunu Sonxeber.az-a açıqlamasında deputat Cavanşir Paşazadə deyib.

Deputat qeyd edib ki, bu gün bütün dünya eləcə də Azərbaycan dövləti pandemiya kimi qəbul olunan koronavirusla mübarizə aparır: "Təəssüf ki, bu virus bir çox dövlətlərin iqtisadiyyatına və insanların yaşayışına mənfi təsir göstərib. Cənab prezidentimizin uzaqgörənliyi sayəsində koronavirusun ölkəmizdə yayılmasının qarşısını almaqla yanaşı, həm də iqtisadiyyatımıza təsirinin azadılması istiqamətində çox mühüm addımlar atıldı və atılmaqda da davam edilir. Bilirsiniz ki, yanvarın 24-də koronavirusla bağlı Operativ Qərərgah və Koronavirusla Mübarizəyə Dəstək Fondu yaradıldı. İlk olaraq o fonda dövlət tərəfindən 2 milyon manat ayrıldı. Daha sonra cənab prezidentimiz və Azərbaycanın Birinci Vitse-prezidenti bir illik əmək haqqılarını bağışladı. Ən önəmlisi isə koronavirusun ölkə iqtisadiyyatına təsirinin azadılması üçün büdcədən 1 milyard manat ayrıldı və dörd İşçi Qrupun yaradılıldı. Cənab prezidentimizin verdiyi bu qərarlar insanlarımızı koronavirusdan qorumaqla yanaşı, onların yaşayış şəraitinin yaxşılaşdırılmasına xidmət edir. Bilirsiniz ki, ölkə ərzisində aprelin 20-nə kimi ciddi rejimli karantin elan olunub. Bir çox iaşə obyektlərin fəaliyyəti dayandırılıb. Təbii ki, bu bir çox insanları narahat edirdi. Bu gün ölkə başçısı cənab İlham Əliyev daim xalqının yanında olduğunu bir daha sübut etdi. Belə ki, cənab prezident İlham Əliyevin "Koronavirus (COVİD-19) pandemiyasının və bundan irəli gələrək dünya enerji və səhm bazarlarında baş verən kəskin dalğalanmaların ölkə iqtisadiyyatına, makroiqtisadi sabitliyə, ölkədə məşğulluq məsələlərinə və sahibkarlıq subyektlərinə mənfi təsirinin azaldılması ilə bağlı bir sıra tədbirlər haqqında" sərəncamına əsasən hazırlanmış "Pandemiyadan zərər çəkmiş sahələrdə əmək haqlarının ödənilməsi üçün maliyyə dəstəyi proqramı"na uyğun olaraq 304 min muzdlu işçinin əmək haqları dövlət tərəfindən ödənilməsi nəzərdə tutulur. Bundan əlavə Azərbaycanda elektrik enerjisindən güzəştli istifadə limiti 100 KVt/saat artırılaraq limiti 300 kVt/saatdan 400 kVt/saata çatdırılır. Bütün bu qərarlar dövlət başcısı cənab İlham Əliyevin xalqımıza göstərdiyi qayğının göstəricisidir. İnanıram ki, cənab prezidentimizin və dövlətimizin atdığı bu mühüm addımlar özünün müsbət nəticəsini göstərəcək və tezliklə koronavirus bəlasından canımızı qurtaracağıq. Əlbəttə bunun üçün insanlarımızın Operativ Qərərgahın verdiyi qərarlara əməl etməsi və mümkün qədər evdən çıxmaması vacibdir. Məndə insanlarımızdan xahiş edirəm ki, vacib olmadıqca evdən çıxmasınlar. Onlar bu addımları ilə özləri ilə yanaşı, yaxınlarını və bütün Azərbaycan cəmiyyətini qorumuş olarlar".

Aysel Yusifqızı

Telegramda izləyin

instagramda izləyin