Kommunal borcların 50 faizi silinə bilər - Deputatdan TƏKLİF
Xəbər verdiyimiz kimi "Koronavirus (COVID-19) pandemiyasının və bundan irəli gələrək dünya enerji və səhm bazarlarında baş verən kəskin dalğalanmaların Azərbaycan Respublikasının iqtisadiyyatına, makroiqtisadi sabitliyə, ölkədə məşğulluq məsələlərinə və sahibkarlıq subyektlərinə mənfi təsirinin azaldılması ilə bağlı bir sıra tədbirlər haqqında" Azərbaycan Respublikası Prezidentinin 2020-ci il 19 mart tarixli 1950 nömrəli Sərəncamının 10.2-ci bəndinin icrası ilə bağlı Tədbirlər Planı" təsdiq edilib. Planda nəzərdə tutulan istiqamətlərdən biri, iş yerlərinin ixtisar edilməməsi üçün sahibkarlara dəstək, eləcə də işsizlərə ödənişlərin verilməsidir. Amma planda əmək haqqı gündəlik ödənilən şəxslər - ofisiantlar, tikintidə ustalar, fəhlələr, turizm sahəsində işləyənlərə heç bir güzəşt nəzərdə tutulmayıb.
Bununla bağlı Sonxeber.az-da danışan deputat Fazil Musatafa bildirib ki, ayrı-ayrı fərdlərin hər hansı dövlət dəstəyini almasından daha çox ailələrin müəyyən edilib, onlara yardım edilməsi daha məqsədə uyğundur: "Çünki fərdləri təyin etmək olduqca çətindir. Bunun üçün də yerli rayon İcra hakimiyyətlərinin nəzdində xüsusi operativ qərargah yaradılmalıdır. Bu qərargah gündəlik əldə etdikləri gəlirlə dolanan ailələri müəyyən etməlidir. Belə olan halda hər ailəyə müəyyən qədər vəsaitlərin ödənilməsi mümükün olar. Amma fərdi qaydada bunu müəyyən etmək çox çətindir. Çünki elə adam var ki, rayonda qeydiyyatdadır. Amma Bakıda günəmuzd işləyir. Onu tapmaq üçün Bakıda konkret məskunlaşdığı yerdə yoxdur. Bundan əlavə onlar vergidə də qeydiyyatda olmur. Qeyri-rəsmi əməyə cəlb olunurlar. Ona görə də bu çox ciddi problemlər yarada bilər. Operativ qərargah olsa, insanlar ora müraciət edib, özlərinin problemləri barədə məlumat verərlər. Operativ qərargahın nümayəndələri də araşdırma apardıqdan sonra, deyilənlərin həqiqət olduğunu öyrənəndən sonra müəyyən vəsaitin ödənilməsini təmin edə bilərlər. Bu daha effektiv olar. Evəqapanmış ailələrin çörək pulu, qida üçün lazım olan minumum zəruri olan tələblərin ödənilməsi üçün faydalı ola bilər".
Deputat qeyd edib ki, komunal borcların silinməsi çətin məsələdir: "Borcların ertələnməsi mümkün ola bilər. İşıq, qaz, su xidmətlərdir. Bu xidmət dövlət tərəfindən deyil, ayrıca şirkətlər tərəfindən edilir. Dövlət müəyyən qədər datasiya verir ki, bu xidmətləri gerçəkləşdirsinlər. Onlar hüquqi şəxslərlə, xüsusilə də ictimai iaşə obyektləri və başqa dövlət qurumları ilə təminatı həyata keçirirlər. Buradan gələn gəlirlə onlar ayaqda dura bilirlər. Vətəndaşdan gələn gəlir elə özlərinə xərclənir. Bilirsiniz ki, bu gün bir çox müəsisələr bağlanıb. Belə olan halda onların da gəlirləri yoxdur. Ona görə də onlara da dövlət büdcəsindən vəsait ödənilməlidir. Bu müddət ərzində bilirisiniz ki, işıq, su və qaz təminatı yüksək səviyyədə oldu. Bütün bunlar nə qədər çətinlik bahasına başa gəlir. Komunal borclar tam ləğv olunmasa da 50 faiz qiymətin aşağı salınması mümkün ola bilər. Düşünürəm ki, belə olanda insanların bu borcu ödəməyə gücü yetər. Yaxud da borclar 3-5 ay müddətinə ertələnə bilər. Vətəndaşlar normal iş şəraitinə qayıdandan sonra borcunu ödəyə bilər. Burada təkcə vətəndaşdan deyil, həm də qurumların ximət etmə imkanından gedir. Sabah bu xidmət zəifləyəndən sonra insanlar nəyin davasını aparacaq. Xidmətin görülməsi üçün müəyyən qədər vəsaitin yığılması vacibdir. Ona görə də hamını anlamaq lazımdır. Düşünürəm ki, bu problemi aradan qaldırmaq üçün qiymətlər 50 faiz aşağı endilimə və ya bir neçə aylıq ertələmək lazımdır. Borcların tam silinməsi həmin qurumların axsamasına səbəb ola bilər".
Aysel Yusifqızı
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş