Koronavirusa 5G xətləri səbəb olub - Məşhurların da dəstəklədiyi YENİ İDDİA

Çinin Uhan şəhərindən qısa müddətdə bütün dünyaya yayılan koronavirusla bağlı bir çox iddialar səslənir.

Əksər məşhurların da dəstəklədiyi yeni iddiaya əsasən, dünyada 1,2 milyondan çox insana yoluxan və 69 mindən çox insanın ölümünə səbəb olan koronavirusun səbəbkarı və bu xəstəliyi yayan ən vacib amil 5G xətləridir.

Sonxeber.az-ın BiG.AZ-a istinadən verdiyi xəbərə görə, bu iddia sui-qəsd nəzəriyyəçiləri tərəfindən ortaya atılıb və Hollivud ulduzu Vudi Harrelson daxil, bir çoxları tərəfindən "məntiqli" hesab olunur.

İngiltərədə Birminghem, Liverpul və Belfastdakı 5G baza stansiyaları iddianın yayılmasından sonra ötən həftə hücumlara məruz qalıb.

"Bu iddialar təhlükəli və absurddur, telefon xətləri və baza stansiyalarına ziyan vurmaq virusla mübarizəyə ciddi şəkildə mane olur", - deyə Britaniya Nazirlər Kabinetinin üzvü Maykl Qov bildirib.

Bir çox məşhurlar, o cümlədən Hollivud ulduzu Vudi Harrelson 2 milyondan çox izləyicisi olan "İnstagram" səhifəsində "5G-nin mənfi təsirləri" haqqında hesabat paylaşıb:

"Mən hələ hamısını oxumamışam, amma çox maraqlı gəldi".

Onun bu paylaşımı 25 mindən çox "ürək" toplayıb.

Məruzədə bildirildiyinə əsasən, 5G-nin yaydığı radiasiya epidemiyanın sürətini artırır.

Digər tərəfdən, "Paper Planes" mahnısı ilə şöhrət qazanan M.I.A. da məsələ ilə bağlı "Twitter"-də paylaşım edib.

"5G-nin koronavirusa səbəb olduğunu düşünmürəm, amma bunun insan orqanizminə zərər verəcəyini və sağalma prosesini yavaşlatacağını düşünürəm. Çünki insanların bu yeni dalğalara uyğunlaşa bilməyəcəyini hesab edirəm. Epidemiya bitənə qədər bu baza stansiyalarını bağlasalar, daha yaxşı olardı", deyə müğənni çağırış edib.

Qeyd edək ki, koronavirusun ən çox təsir etdiyi İtaliya, Çin və İran 5G xətlərindən istifadə edən ölkələrdəndir.

Telegramda izləyin

instagramda izləyin