"Cənab prezident hər zaman hümanist addımları ilə vətəndaşlarımızı sevindirməkdədir" - İqbal Məmmədov
Xəbər verdiyimiz kimi Azərbaycan Respublikasının Prezidenti İlham Əliyev "Məhkum edilmiş bir sıra şəxslərin əfv olunması haqqında" sərəncam imzalayıb.
Bununla bağlı Sonxeber.az-a danışan deputat İqbal Məmmədov bildirib ki, cənab prezident bu gün imzaladığı əfv sərəncamı ilə necə böyük ürəyə sahib olduğunu bir daha sübuta yetirdi: "Ulu öndər Heydər Əliyevin siyasətini uğurla davam etdirən cənab prezident hər zaman hümanist addımları vətəndaşlarımızı sevindirməkdədir. Bu gün də imzaladığı əfv sərəncamı ilə cənab prezident 176 ailədə böyük sevincə səbəb oldu. Cənab prezident ulu öndərimiz kimi hər zaman xalqının yanında olan ölkə başçısıdır. Təəssüf ki, bu gün dövlətimiz koronavirusla mübarizə aparır. Koronavirus bir çox ölkələrdə iqtisadiyyata və insanların yaşayışına mənfi təsir göstərib. Lakin Azərbaycanda cənab prezidentin uzaq görən siyasəti nəticəsində koronavirusun ölkə iqtisadiyaytına və insanlarına yaşayışına təsiri minumuma endirilib. Bir neçə gün öncə "Koronavirus (COVID-19) pandemiyasının və bundan irəli gələrək dünya enerji və səhm bazarlarında baş verən kəskin dalğalanmaların Azərbaycan Respublikasının iqtisadiyyatına, makroiqtisadi sabitliyə, ölkədə məşğulluq məsələlərinə və sahibkarlıq subyektlərinə mənfi təsirinin azaldılması ilə bağlı bir sıra tədbirlər haqqında" Azərbaycan Respublikası Prezidentinin 2020-ci il 19 mart tarixli 1950 nömrəli Sərəncamının 10.2-ci bəndinin icrası ilə bağlı Tədbirlər Planı" təsdiq edilib. O plana əsasən 300 min muzdlu işçiyə 215 milyon manat, fərdi sahibkarlara isə dəstək üçün 80 milyon manat ayrılıb. Planda həmçinin ünvanlı dövlət sosial yardımı xüsusi karantin rejimi dövründə bitən ailələrə ( 62 min şəxsə) yardımın verilməsinin xüsusi karantin rejimi bitənədək davam etdirilməsi və bu dövrdə ünvanlı dövlət sosial yardımının təyinatının sadələşdirilməsi, yaşı 65-dən yuxarı 14 min tənha şəxsə evlərində sosial xidmətlərin göstərilməsi və xüsusi qayğıya ehtiyacı olan şəxslərə sosial xidmət müəssisələrində xidmət göstərilməsi, sosial baxımdan həssas əhali qrupuna aid edilən ailələrin üzvü olan tələbələrin təhsil haqqı xərclərinin ödənilməsi (40 milyon manat ayrılıb), əhaliyə güzəştli işıq limitinin aprel-may aylarında 100 kvts. həcmində artırılması (10 milyon manat ayrılıb) nəzərdə tutulub.Bütün bu addımlar koronavirusun ölkə iqtisadiyyatına və insanlarımızın yaşayış şəraitinə təsirini azlatmağa xidmət edir. Cənab Prezidentimiz dünya liderləri arasında öz hümanistliyi və xalqına olan böyük sevgisi ilə fərqlənib. Məhz buna görə də xalqımız cənab prezidentimizin uğurlu siyasətini hər zaman dəstəkləməkdədir. Bu gün əfv olunan bütün vətəndaşlarımızı təbrik edirəm. İnanıram ki, onlar cənab prezidentimizin bu hümanist davranışından və öz səhvlərindən nəticə çıxarıb, bundan sonrakı həyatlarında azadlıqlarını əlindən alacaq yalnışlıqlara yol verməyəcəklər".
Aysel Yusifqızı
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş