İctimai birliklər Koronavirusla Mübarizəyə Dəstək Fonduna ianə edir (SİYAHI)
İndiyədək Koronavirusla Mübarizəyə Dəstək Fonduna 109 milyon 848 min 332 manat daxil olub.
Qaynarinfo xəbər verir ki, bu məbləğin 20 milyon manatı Prezidentin ehtiyat fondundan, qalan hissələri müxtəlif hüquqi və fiziki şəxslər tərəfindən köçürülüb. Azərbaycan Respublikasının Prezidenti İlham Əliyev bir illik əməkhaqqı (126 900 manat) məbləğini Koronavirusla Mübarizəyə Dəstək Fonduna ianə edib. Həmçinin Azərbaycan Respublikasının Birinci vitse-prezidenti Mehriban xanım Əliyeva bir illik əməkhaqqı (101 700 manat) məbləğini Koronavirusla Mübarizəyə Dəstək Fonduna ianə edib.
Azərbaycan Prezidentinin çağırışına Koronavirusla Mübarizəyə Dəstək Fonduna ianə edən ictimai birliklərlə bağlı məlumatı təqdim edirik:
"Aşıq Şəmşir" Mədəniyyət Ocağı İctimai Birliyi 100 000 min manat, Ailə Sosial Araşdırmalar İctimai Birliyi 1 000 manat, Sosial Hüquqların Araşdırılması İctimai Birliyi 300 manat, Sağlamlığın Qorunması İctimai Birliyi 1 000 manat, Sosial Rifah Qaçqın Və Məcburi Köçkünlər İctimai Birliyi 100 manat, Regional Hüquqi və İqtisadi Maarifləndirmə İctimai Birliyi 500 manat, Qarabağ Əlilləri və Veteranları İctimai Birliyi 100 manat, Qadınlar Cəmiyyətin İnkişafı Naminə İctimai Birliyi 100 manat, Mina Qurbanlarının Sosial İqtisadi Problemlərinin Həllinə Kömək İctimai Birliyi 100 manat, Məşəl Əlil və Şəhid Ailələrinə Sosial Dəstək İctimai Birliyi 100 manat, Antinarkomaniya Sahəsində Gənclərin Təşəbbüsü İctimai Birliyi 100 manat, Avropa Hüquqşünas Tələbələr Assosiasiyası - Bakı İctimai Birliyi 350 manat, Azad İqtisadiyyatın İnkişafına Yardım Mərkəzi İctimai Birliyi 200 manat və s. təşkilatlar ianə edib.
Xatırladaq ki, Koronavirusla Mübarizəyə Dəstək Fondu Azərbaycan Prezidenti İlham Əliyevin 19 Mart 2020-ci il tarixli Fərmanı ilə ölkədə koronavirus infeksiyasına qarşı preventiv addımlar atılması və mübarizə tədbirlərinin gücləndirilməsi məqsədilə yaradılıb.
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş