Alimlər koronavirusun ZƏİF NÖQTƏSİNİ tapdılar

"Scripps Research" bio-kimyəvi tədqiqat mərkəzi koronavirusun müəyyən hissəsinin peyvənd vasitəsilə sağala biləcəyini müəyyən edib.

Çinin Vuhan şəhərində ilk dəfə ortaya çıxan (COVID-19) bu gün dünyada təxminən 1,5 milyon insana təsir göstərib. Epidemiya səbəbiylə həyatını itirənlərin sayı 70 mindən çoxdur.

Dünyanın hər yerindən elm adamları xəstəliyin sağalma yollarını tapmaq üçün müalicə və peyvəndlər hazırlamağa çalışırlar. Hazırda bu istiqamətdə işləyən qurumlardan biri də "Skripps Araşdırma" qeyri-kommersiya biomedical tədqiqat mərkəzidir.

Sonxeber.az xəbər verir ki, "New-York Post" qəzetindəki xəbərə görə, "Scripps" Araşdırma mərkəzinin alimləri koronavirusun zəif nöqtəsini müəyyənləşdirmiş ola bilər. Çünki qurumun verdiyi açıqlama olduqca ümidvericidir.

Bir insan antikorunun COVID-19 ilə qarşılıqlı təsirini xəritələyən elm adamları, virusun müəyyən bir bölgəsinin peyvəndlər vasitəsilə hədəf alındığını müəyyən ediblər.
Komanda adından ölkə mətbuatına açıqlama verən Meng Yuan, "Bu nöqtənin virusun içində gizləndiyini aşkar etdik. Bu, yalnız həmin bölgənin quruluşu dəyişdiyində ortaya çıxır "deyə bildirib.
Tədqiqatın aparıcı müəllifi Dr. Ian Uilson, etdiyi araşdırmalarla əlaqədar verdiyi açıqlamada gizli bölgələrin müəyyənləşdirilməsinin virus üçün hazırlanan müalicə və peyvəndlərin struktur dizaynına köməkçi ola biləcəyini vurğulayıb.

Sözügedən bölgənin virusun "Axilles topuğu" ola biləcəyini ifadə edən Uilson, "Gələcəkdə meydana çıxa biləcək yeni korona virusları da daxil olmaqla digər korona viruslarından da qoruyurlar" dedi.

F.Ağayeva

Telegramda izləyin

instagramda izləyin