Nyu-York parkları Məzarlıq olaraq istifadə ediləcək

Nyu-Yorkda koronavirus xəstəliyindən ölən insanların meyitləri parklarına basdırılıb.

Sonxeber.az Türkiyə mediasına istinadən xəbər verir ki,
ABŞ-da koronavirusun tüğyan etdiyi Nyu-Yorkda, epidemiyadan ölənlərin dəfn edilməsi müzakirə mövzusuna çevrilib. Nyu-York Assambleyası Sağlamlıq Komissiyasının sədri Mark Levine, itkinin günbəgün artdığını vurğulayaraq, "Nyu-York parkları qəbiristanlıq olaraq istifadə ediləcək" açıqlamasını verib.

Epidemiyanın Nyu-Yorkdakı səhiyyə sisteminin və meyitxanaların, cənazə evlərinin sərhədlərini alt-üst etdiyini bildirən Levine "Daha çox qaynağa ehtiyacımız var" deyib.

Levine, normal bir xəstəxana meyitxanasının orta hesabla 15 meyit saxlaya biləcəyini və bütün meyitxanaların artıq dolu olduğunu, hər birində 100 meyit olan 80 xəstəxana yük maşınının xəstəxanalardan meyit göndərdiyini bildirib.

Levine həmçinin "Ailələr, cənazə evləri və qəbiristanlıqlar artan dəfn mərasimlərinin gücünə tab gətirə bilmirlər" deyərək xəstəxanada deyil, evlərində həyatını itirən insanların olduğunu da söyləyib.

Şəlalə Babayeva

Telegramda izləyin

instagramda izləyin