"Karantin qaydalarını lağ obyektinə çevirənlər düşüncəsiz insanlardır" - Hafiz Hacıyev

Qısa müddətdə yaradılan "Xüsusi Karantin Rejiminin Tətbiqi Zamanı İcazələrin Alınması və Monitorinqi Sistemi" vasitəsi olan 8103 qısa nömrəsinə ayrı-ayrı vətəndaşlar tərəfindən bəzi hallarda lüzumsuz smslər göndərilir. Bu halların qarşısının alınması üçün Daxili İşlər orqanları tərəfindən mübarizə tədbirləri davam etdirilir.

Bununla bağlı Sonxeber.az-a danışan Müasir Müsavat Partiyasının sədri Hafiz Hacıyev bildirib ki, biz yumoru sevən xalqıq: "Öz taleyimizə də hər zaman biganə yanaşmışıq. Dövlətimiz tərəfindən bu virusla bağlı bütün lazımı tədbirlər atılır. Koronavirusla təkcə Azərbaycan deyil, bütün ölkələr mübarizə aparır. Cənab prezidentimiz və Azərbaycanın Birinci vitse-prezidenti Mehriban xanım Əliyeva insanlarımızı bu xəstəlikdən qorumaq üçün çox böyük işlər görürlər. Təəssüf ki, qoyulan qaydalar bəziləri tərəfindən sosial şəbəkələrdə lağ obyektinə çevrilir. Heç olmasa insanlarımız öz talelərinə məsuliyyətlə yanaşıb, sağlamlıqlarını qorusunlar. Arzu edərdim ki, insanlarımız boşboğazlığı, hər şeyi yumaora çevirməyi, baş verənlərə biganə yanaşmağı kənara qoysunlar qoysunlar. Bu düzgün deyil. Ölkəmizdə koronavirus kimi qorxulu xəstəlik var. Biz ondan qorunmalıyıq. Karantin rejiminin qaydalarına əməl etsək, bir o qədər sağlam qalarıq. Lakin lağlağıya çevirsək, koronavirusdan həyatını itirənlər çox olacaq. Amerika kimi dövlət bu xəstəliyin əlində aciz qalıb. Düşünürəm ki, biz dövlətin qoyduğu qayda- qanunlara riayət etməliyik. Dünya Səhiyyə Təşkilatının qaydalarına əməl edib, ölkə başçısının apardığı işə dəstək olmalıyıq. Hər birimiz həmrəy olub, çalışmalıyıq ki, bu bəladan az itki ilə çıxa bilək. Bunu lağ obyektinə çevirənlər, lətifə düzəldənlər məncə düşüncəsiz insanlardır".

Hafiz Hacıyev qeyd edək ki, xarici mənbələrdə koronavirusun bioloji silah olması ilə bağlı məlumatlar da gedir: "Sonuncu məlumatda deyilir ki, koronavirusu Amerikada bir alim düzəldib, onu Çinə satıb. Həmin şəxs də həbs edilib. Bu xəstəliklə bağlı bir çox variantlar səsləndirilir. Bu variantların hər birinin üzərində baş sındırmağa da dəyməz. Təəssüf ki, koronavirusu tam müalicə edə biləcək dəmanı tapa bilmirlər. Hazırda bunun üstündə işləyirlər. Bugünkü gündə hər şey ola bilər. Bir dövlət başçısı öz iradəsini bir başqasına diktə etmək üçün hər cür varianta əl ata bilər. Düşünürəm ki, yaxın vaxtlar da bunun da üstü açılacaq. Xalqımız biləcək ki, başımıza açılan oyun nə idi. Koronavirus çox böyük bəladır. Bu bəla dünya iqtisadiyyatını çökdürdü. Hazırda alimlər, professorlar bunun üzərində işlər aparırlar".

Aysel Yusifqızı

Telegramda izləyin

instagramda izləyin