Deputatlar: "Hərbçilərə mənzil verilməsi dövlət üçün prioritet məsələlərdən biridir"

Deputatlar: "Hərbçilərə mənzil verilməsi dövlət üçün prioritet məsələlərdən biridir""Dövlət özünü mənzillə təmin eləmək imkanı nisbətən zəif olan insanları daim diqqətdə saxlayır və onların sosial rifahının yaxşılaşdırılması üçün addımlar atır. Bu qrupa hərbçilər də aiddir. Hərbçilərə mənzillərin verilməsi hamımızın ürəyindən olan hadisədir"

Bunu Milli Məclisin deputatı Bəxtiyar Sadıqov "MediaPost"a açıqlamasında hərbçilərin mənzillə təmin olunmasına münasibət bildirərkən deyib.

O, belə layihələrin dövlətin əsas sosial siyasəti olduğunu bildirib:

"Prezident İlham Əliyev bəyan edib ki, ölkə siyasətinin mərkəzində vətəndaş dayanır. Bu bəyanat adi söz deyil, müxtəlif vaxtlarda müxtəlif addımlarla öz təsdiqini tapır. Bilirsiniz ki, qaçqınlara və məcburi köçkünlərin yaşadıqları çadır şəhərcikləri ləğv olundu və dövlət hesabına tikilmiş təmirli mənzilllərlə əvəz edildi. Daim şəhid ailələrinə, müharibə əlillərinə mənzillər verilir. Bu sistem təkcə dediyim kateqoriyalar üçün yox, elə jurnalistlər üçün də qurulub. Onlara da dövlət hesabına tikilib təmir olunmuş evlər verilir".

Deputatlar: "Hərbçilərə mənzil verilməsi dövlət üçün prioritet məsələlərdən biridir"Bəxtiyar Sadıqov deyib ki, ömrünü şərəfli peşəyə həsr edən hərbçi xidmətə gedərkən özünün və ailəsinin sosial təminatından narahat qalmır:
"Sosial təminatı ödənilmiş hərbçi sona qədər vətən keşiyinin ön cərgəsində dayanır. Çox xoş olan haldır ki, hərbçilər sırasında məcburi köçkünlərin övladları, işğal altında olan rayonlardan gələn çox saylı gənclər var. Həmin insanlar əhalinin maddi imkanı zəif olan kateqoriyasına aiddir. Bu yaşlarında onların da özlərini mənzillə təmin etmək imkanı yoxdur. Belə məqamlarda dövlətin həyata keçirdiyi sosial layihələr köməyə gəlir.

Ümumiyyətlə, qanunvericiliyə əsasən, 25 il qüsursuz xidmət etmiş hərbçilər dövlət tərəfindən təmirli mənzillərlə təmin edilir. Bundan əlavə, hərbi şəhərciklər də tikilir. Xidmət müddətlərində onlar evlərlə də təmin olunurlar. Yaxud da mənzil kirayə etmələri üçün onlara aylıq kirayə haqqı ödənilir. Müharibə şəraitində olan bir dövlətdə o insanlar ki, həyatlarını vətənin müdafiəsinə həsr edir, deməli hər an onlar döyüşə hazırdırlar. Təəssüf ki, bu gün düşmən təxribatı nəticəsində əsgər və zabitlərimiz şəhid olurlar. Demək istəyirəm ki, onların ailələri heç vaxt diqqətdən kənarda qalmırlar. Belə olanda şəhid ailələri də mənzillərlə təmin olunurlar. Bu gün söhbət təkcə hərbçilərdən getmir, düzdür, onlar bizim üçün dəyərlidirlər. Özləri də Aprel döyüşlərində sübut elədilər ki, onlar istənilən vaxt torpaqlarımızı azad etməyə qadirdirlər. Ancaq söhbət həm də hərbçilərin ailələrindən gedir. Onların yaşayış şəraitinin yaxşılaşdırılması, mənzillə təmin olunmaları, bütün sosial məsələləri həmişə ölkə rəhbərliyinin diqqətdədir. Bu işlər onun üçün həyata keçirilir ki, hərbçilər xidmətə gedəndə rahat olsunlar ki, ailələri dövlət himayəsindədir. Onlar ürəklə vətəni müdafiə edirlər. Bu gün Ali Baş Komandanın əmri olsa ordumuz yenə ürəklə hücuma keçib torpaqlarımızı azad edəcək. Ona görə dövlətimizin bu siyasətini hamımız təqdir edirik".

Milli Məclisin deputatı Vüqar Bayramov dövlət hesabına inşa edilən binalarda hərbçilərin də mənzillərlə təmin olunmasının Azərbaycan dövləti üçün əhəmiyyətli məsələ olduğunu bildirib:

"Azərbaycanda hərbçilərin mənzil şəraitinin yaxşılaşdırılması dövlət üçün prioritet məsələlərdən biridir. Azərbaycan dövləti hərbi qulluqçuların həm sosial təminatının gücləndirilməsi, həm də mənzil şəraitinin yaxşılaşdırılması ilə bağlı mütəmadi addımlar atır. Nəzərə almaq lazımdır ki, Azərbaycan Prezidentinin hərbçilərin mənzil şəraitinin yaxşılaşdırılması ilə bağlı xüsusi tapşırığı var. Həmin tapşırığa uyğun olaraq Hövsanda inşa edilən yaşayış kompleksində olan mənzillərin bir qismi hərbçilərə təqdim olundu

Deputatlar: "Hərbçilərə mənzil verilməsi dövlət üçün prioritet məsələlərdən biridir"Qeyd etmək lazımdır ki, həmin yaşayış kompleksində 3000 mənzil var. Kompleks olaraq inşa edilmiş ərazidir. Burada park, sosial obyektlər, təlim-tədris binaları, ticarət obyektləri fəaliyyət göstərir. Bu da xüsusilə hərbçi ailələri üçün mənzil təminatı baxımından kifayət qədər uyğun bir layihədir. Belə layihə ondan xəbər verir ki, növbəti dövrlərdə də hərbçilərin həm mənzil təminatının gücləndirilməsi, həm də digər sosial təminatının yaxşılaşdırılması Azərbaycan dövləti üçün əhəmiyyətli məsələ olaraq qalacaq. Bu da diqqətin təzahürüdür. Hərbçilər və hərbçi olmayan Azərbaycan vətəndaşlarının sosial təminatının daha da yaxşılaşdırılması sosial siyasətin əsas hədəfidir".
Qeyd edək ki, Azərbaycan Prezidenti, Silahlı Qüvvələrin Ali Baş Komandanı İlham Əliyevin və birinci xanım Mehriban Əliyevanın iştirakı ilə Suraxanı rayonunun Hövsan qəsəbəsində salınan yeni yaşayış kompleksinin açılışı olub.

Ölkə başçısının "Azərbaycan Respublikası Silahlı Qüvvələrinin hərbi qulluqçularının sosial müdafiəsinin gücləndirilməsi tədbirləri barədə" Fərmanı ilə yaradılan komissiyanın müraciəti əsasında hərbi qulluqçuların mənzillərlə təmin olunması məqsədilə kompleksdə tam təmirli 436 mənzil ayrılıb.

Mənzillər tam təmirli olmaqla yanaşı, zəruri mebel avadanlıqları, fərdi kombi sistemi ilə də təchiz edilib. Kompleksin daxilində yaşayış üçün bütün infrastruktur yaradılıb. Belə ki, 1920 şagird yerlik məktəb binası, hər biri 90 yerlik iki uşaq bağçası inşa olunaraq sakinlərin ixtiyarına verilib. 20 hektar ərazidə inşa olunan kompleksin həyətində işıqlandırma sistemləri qurulub, yaşıllıq sahəsi salınıb, ətraf abadlaşdırılıb, uşaqların asudə vaxtının səmərəli təşkili üçün park və mini futbol meydançaları yaradılıb. Bütün bunlar da şəhərcik sakinlərinin rahatlığının təmin olunmasına əlverişli şərait yaradır.

Mənzillər təqdim olunan hərbi qulluqçular və onların ailə üzvləri yaradılan şəraitə, göstərilən qayğıya görə Ali Baş Komandana, Birinci vitse-prezidentə və Müdafiə Nazirliyinin rəhbərliyinə minnətdarlıqlarını bildiriblər.

Dövlətin daim qayğısı ilə əhatə olunan hərbi qulluqçuların sosial-məişət şəraitinin yaxşılaşdırılması məqsədilə icra olunan mühüm layihələr bundan sonra da ardıcıl xarakter alacaq. Hər bir hərbiçi, müharibə əlili, şəhid ailəsi tam əmin ola bilər ki, dövlətimiz daim onların yanında olacaq və öz qayğısını yüksək səviyyədə göstərməyə davam edəcək.


Sonxeber.az Telegramda izləyin
Sosial   Baxılıb: 1005   Tarix: 08 aprel 2020  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR

Arıqlamaq istəyənlər bu xəbəri oxusun!

Arıqlama məhsullarından istifadə etmək, artıq çəkidən azad olmaq üçün böyük addımlardan biridir. Ancaq hər arıqlama məhsulunu etibarlı şəkildə istifadə etmək, həmin məhsula güvənmək də elədə asan deyil. Mühüm olanı sağlamlığa zərər vermədən, organizminizə ağır olmayacaq və istehsal şərtləri ilə etibarl

10 iyun

Əksəriyyət səhv bilir: 96 faizlik spirt virusu öldürmür - Bəs nə etməli? - VİDEO

96 faizlik spirt dezinfeksiya üçün yaramır, bunun üçün spirtin faizini 70-ə salmaq lazımdır.. . Sonxeber.az Day.Az-a istinadən xəbər verir ki, "Telesəhər" verlişində spirtlə bağlı vacib məqamlara toxunulub. Ev şəratində spirtin faizinin aşağı salınması yolları göstərilib.. . .

8 aprel

Somalidə koronavirusla bağlı LABARATORİYA QURULDU-FOTO

Yeni növ koronavirus (COVID-19) diaqnozu üçün edilən testləri xaricə göndərən Somali öz diaqnostik laboratoriyasını qurub.. . Sonxeber.az xəbər verir ki, Somali Səhiyyə nazirliyinin "Tvitter" hesabından verilən açıqlamada "bu gündən etibarən paytaxt Moqadişuda qurulan Milli Xalq Sağlamlığ

8 aprel

"Karantin qaydalarını lağ obyektinə çevirənlər düşüncəsiz insanlardır" - Hafiz Hacıyev

Qısa müddətdə yaradılan "Xüsusi Karantin Rejiminin Tətbiqi Zamanı İcazələrin Alınması və Monitorinqi Sistemi" vasitəsi olan 8103 qısa nömrəsinə ayrı-ayrı vətəndaşlar tərəfindən bəzi hallarda lüzumsuz smslər göndərilir. Bu halların qarşısının alınması üçün Daxili İşlər orqanları tərəfindən mübariz

8 aprel

Bu şəxslərə də xüsusi karantin rejimi müddətində aylıq təqaüd veriləcək

Koronavirus pandemiyası ilə mübarizə şəraitində həssas əhali qruplarının, o cümlədən əlilliyi olan şəxslərin sosial müdafiəsinin gücləndirilməsi diqqətdə saxlanılır.. . Əmək və Əhalinin Sosial Müdafiəsi Nazirliyindən Sonxeber.az-a bildirilib ki, Nazirlər Kabinetinin yeni Qərarı bu məqsədə xidmət edə

8 aprel

Azərbaycanda Ramazan ayının başlanacağı tarix açıqlanıb

Azərbaycanda Ramazan ayının başlanacağı tarix açıqlanıb.. . Qafqaz Müsəlmanları İdarəsinin sədr müavini Fuad Nurullayev APA-ya açıqlamasında bildirib ki, aprelin 25-i Ramazan ayının ilk günü olacaq:. . "Ona görə də təqvimə əsasən, Ramazan bayramının mayın 24-də olacağı gözlənilir".

8 aprel

İsraildə koronavirusdan ölənlərin sayı 71 nəfərə çatdı

Yeni növ koronavirus (Kovid-19) səbəbiylə İsraildə həyatını itirənlərin sayı 71, yoluxma sayı sayı 9404-ə yüksəlib.. . Sonxeber.az xarici mətbuata istinadən xəbər verir ki, İsrail Səhiyyə nazirliyindən verilən yazılı açıqlamada, yeni növ koronavirus (Kovid-19) diaqnozu qoyulan daha 6 xəstənin öldüy

8 aprel

Türkiyəli professordan iddia-Koronavirus donuzlardan ötürülür

Türk Professoru Dr. Dereköy, koronavirusun donuzlardan ötürüldüyünü iddia edir.. . . Sonxeber.az Türkiyə mediasına istinadən xəbər verir ki, Medipol Universiteti Tibb Fakültəsi Otorinolaringologiya Bölümünün professoru Dr. Dereköy koronavirusun donuzlardan ötürüldüyünü iddia edib. O, koronavirusun 1960-c

8 aprel

Bu yerlərdə bütün sürücülər saxlanılacaq - DYP-dən AÇIQLAMA

Bakı şəhərində aparılan bütün yoxlamalar karantin rejimlə əlaqədardır.. . Sonxeber.az xəbər verir ki, bu sözləri lent.az-a yol polisinin apardığı yoxlamalardan danışarkən Baş Dövlət Yol Polisi İdarəsinin ictimaiyyətlə əlaqələr şöbəsinin rəisi, polis polkovniki Kamran Əliyev deyib.. . Onun sözlərinə görə

8 aprel