"İki qardaş ölkə arasında hərbi əməkdaşlıq regionda yeni siyasi-hərbi nizam formalaşdırır"-RƏY
Yüksələn xətlə inkişaf edən Azərbaycan-Türkiyə hərbi əməkdaşlığı ikitərəfli strateji müttəfiqliyin mühüm tərkib hissəsidir. Bunu Naxçıvan Muxtar Respublikasının ərazisində Türkiyə istehsalı olan təkrar istifadə edilə bilən daşıyıcı raketlərin yerləşdirilməsi də təsdiq edir.
"Jamestown Foundation" analitik mərkəzinin saytında çap olunan tanınmış türk eksperti Can Kasapoğlunun məqaləsində TRG-300 Tiger raketlərinin düşmənə məxsus mühüm hədəfləri, o cümlədən radar stansiyaları, artilleriya və hava hücumundan müdafiə sistemlərini məhv etməyə qadir olduğu bildirilir.
Bu əməkdaşlıq bölgədəki siyasi proseslərə, təhlükəsizlik sisteminə təsir edən ən mühüm amillər sırasındadır.
Bu barədə politoloq Məhəmməd Əsədullazadə Sonxeber.az-a açıqlama verib.
Politoloq bildirib ki, Türkiyə Azərbaycan arasında hərbi əməkdaşlıq artıq müttəfiqlik səviyyəsinə qalxıb. Məhz iki dövlət arasında il ərzində keçirilən mütəmadi hərbi təlimlər artıq beynəlxalq təşkilatların da nəzərindədir:
"Dünayda ikinci bir dövlət yoxdur ki, belə mütəmadi birgə hərbi təlimlər keçirsin. Qeyd edim ki, Naxçıvanda Türkiyə istehsalı olan yaylım atəşləri və reaktiv artilleriya vasitələri Azərbaycanın hərbi gücünün artırlmasına, həmçinin Türkiyənin Azərbaycanla hərbi əməkdaşlığının inkişafına xidmət edir. Əlbəttə ki, iki qardaş ölkə arasında hərbi əməkdaşlıq regionda yeni siyasi-hərbi nizamın formalaşmasına gətirib çıxarıb. Artıq bu hərbi və siyasi nizam Naxçıvanda daha çox görünməkdədir.
Hesab edirəm ki, Ankaranın Bakıya verdiyi bu dəstək yeni siyasi konfiqrusiyada iki dövlətin regionda əməkdaşlığını artıracaq. Bu güc yeni bir hərbi-siyasi mənzərə yaradacaq. Əlbəttə, yeni təhlükəsizlik çəmbərinin formalaşmasına xidmət edir. Bundan Ermənistan çox narahatdır və Türkiyə amili Cənubi Qafqazda öz mövqeyini ortaya qoymaqdır".
F.Ağayeva
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş