"İşğal olunmuş Qarabağdakı seçki şouları ermənilərin danışıqlarda maraqlı olmadıqlarını göstərir"-RƏY
Erməni tərəfi Daqlıq Qarabağ münaqişəsinin sülh tənzimlənməsi prosesini heçə endirir. Bunu təcavüzkar dövlətin Xarici İşlər Nazirliyinin son bəyanatı da təsdiq edir.
Azərbaycan Xarici İşlər Nazirliyinin erməni işğalçılarının Şuşa şəhərimizdə keçirdiyi "inauqurasiya" mərasimi ilə bağlı bəyanatına cavab olaraq Ermənistan XİN-i bir daha qondarma "Dağlıq Qarabağ Respublikası"na məhdudiyyətsiz qaydada iradəni ifadə etmək hüququnın verilməsi tələbi ilə çıxış etdi.
Halbuki bu tələb sülh tənzimlənməsinin şərtlərini açıqlayan ATƏT-in Minsk qrupu həmsədrlərinin bəyanatları ilə köklü şəkildə ziddiyyət təşkil edir. Beynəlxalq hüquqa, ilk növbədə Helsinki Yekun Aktına istinad edən bu sənədlər üç prinsipin – dövlətlərin ərazi bütövlüyü, xalqların özünütəyinetməsi və güc tətbiq etməmə prinsiplərinin vəhdətinə əməl etmək zərurətini ortaya qoyur.
Mövzu ilə bağlı politoloq Məhəmməd Əsədullazadə Sonxeber.az-a açıqlama verib.
Politoloq bildirib ki, Ermənistan tərəfi danışıqları etdiyi açıqlamalar ilə danışıqlar prosesini yenidən heçə endirməsi əlbəttə ki, yeni müharibəni qaçılmaz edir:
Hesab edirəm ki, ATƏT-in Minsk qrupunun həmsədrlərinin bu illlər ərzində ortaya qoyduğu həll variantlarına və vasitəçiliyinə zərbə vurur. İlk növbədə vasitəçilər Ermənistana etiraz etməlidir. Amma, bu prosesdə aktivlik etmirlər. Əgər Azərbaycan güclü zərbələr endirsə, onda Minsk qrupu dövriyyəyə girəcək. Demək olar ki, Ermənistan Baş naziri Nikol Paşinyan iki il ərzində yalnız danışıqlardan yayınaraq ancaq öz təkliflərini irəli sürüb.
Əlbəttə ki, bu təkliflər masada olan həll variantları ilə daban-dabana ziddir. Hesab edirəm ki, hazırkı vəziyyət, Ermənistanın işğal olunmuş ərazilərində apardığı seçki şouları ermənilərin danışıqlarda maraqlı olmadıqlarını göstərir. Azərbaycan hərbi vasitələrdən istifadə erməli, prosesi ölü nöqtədən dirçəltməlidir".
F.Ağayeva
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş