Hazırlıq kursları və idman zallarını bəlli şərtlərlə açmaq olar-AÇIQLAMA

Xəbər verdiyimiz kimi mayın 29-də Azərbaycanda 230 yeni koronavirus infeksiyasına yoluxma faktı qeydə alınıb, 103 nəfər müalicə olunaraq sağalıb və evə buraxılıb. İki nəfər isə vəfat edib. Son bir neçə həftə ölkə ərazisində koronavirusa yoluxanların sayında çoxalma müşahidə olunur. Bununla belə ölkədə restoran, kafe və çay evlərində xidmət saatları artırılaraq 08:00-dan 22:00-dək həyata keçiriləcəkdir.

Əgər yuxarıda sadaladığımız iaşə obyektlərinin fəaliyyət müddəti uzadılırsa, niyə hazırlıq kursları, repititorların fəaliyyətinə icazə verilmir?

Məsələ ilə bağlı deputat Musa Qasımlı Sonxeber.az-a açıqlama verib.

Deputat bildirib ki, koronavirus pandemiyasının yaratdığı şərait məlumdur. Bu vəziyyətdən çıxmaq üçün tədrici yumuşalma addımları atılır. Hesab edirəm ki, sayı 10 nəfərdən az olmaq və qoruyucu vasitələrdən istifadə etmək eyni zamanda bəlli tələblər gözlənilməklə hazırlıq kurslarının, idman zallarının fəaliyyətinə başlamaq faydalı olardı. Amma mütləq karantin rejiminin tələbləri gözlənilməli və Nazirlər Kabineti yanında Operativ Qərərgahın tövsiyələri yerinə yetirilməlidir. Əgər bəlli şərtlər altında hazırlıq kursları və idman zallarının fəaliyyəti bərpa olunarsa, bu zaman həm işlə təmin olunma məsələsində irəliləyiş olar, həm də dövlət büdcəsinə vergilər daxil olar".

F.Ağayeva

Telegramda izləyin

instagramda izləyin