Azərbaycan-Çin strateji tərəfdaşlığı pandemiyadan sonrakı dövrdə regiona müsbət təsir edəcək"-RƏY
Pandemiya dövründə xeyli iqtisadi çətinliklərlə üzləşməsinə baxmayaraq, Çin Avrasiyada və qlobal miqyasda geosiyasi nüfuzunu genişləndirməyə yönəlmiş iddialarını ortaya qoymaqda davam edir. Bu məqsədə xidmət edən Pekinin bir sıra təşəbbüsləri sırasında "Bir kəmər, bir yol" layihəsinə xüsusi yer ayrılır.Çinlə Avropanı birləşdirəcək nəqliyyat yollarının inkişafını nəzərdə tutan layihə kontekstində Azərbaycanın xüsusi rolu da şübhəsizdir. Bu baxımdan Azərbaycanın həlledici iştirakı ilə reallaşdırılan Bakı-Tbilisi-Qars dəmir yolunun tikilməsi layihəsi Pekin üçün strateji əhəmiyyətə malikdir. Azərbaycan isə, öz növbəsində, Çin vasitəsilə beynəlxalq əməkdaşlıq imkanlarını genişləndirmək məqsədilə "Bir kəmər, bir yol" layihəsinin reallaşdırılmasına güclü dəstək verir."Bir kəmər, bir yol" layihəsi çərçivəsində əməkdaşlıq Azərbaycan-Çin strateji tərəfdaşlığının inkişafını şərtləndirən mühüm amillərdən birinə cevrilir. Bu amil pandemiyadan sonrakı dövrdə Avrasiyadakı geosiyasi və geoiqtisadi duruma necə təsir göstərə bilər?
Bununla bağlı Sonxeber.az-a danışan deputat Azər Badamov bildirib ki, Çin qlobal iqtisadiyyatda xüsusi rolu və yeri olan ölkədir: "Pekinin təqdim etdiyi "Bir kəmər bir yol" layihəsi Avrasiya məkanında iqtisadi əməkdaşlıq münasibətlərini yeni müstəviyə keçirir. Azərbaycan da Pekinin bu təşəbbüsünə qoşulub, Bakı-Tiblisi- Qars dəmir yolu xəttini və Bakı Beynəlxalq Ticarət Limanını inşa edərək istismara verməklə öz töhfəsini verib. "Bir kəmər bir yol" layihəsinin Azərbaycandan keçməsi Avrasiya məkanında yüklərin daşınmasında ən sərfəli marşrut hesab olunur. Qlobal pandemiya bütün sahələrə təsir etdiyi kimi iqtisadi əməkdaşlıq imkanlarında da bir passivlik yaradıb. Amma postpandemiya dövründə ölkələr arası iqtisadi əlaqələr yeni müstəvidə, daha aktiv və rentabelli olmasını gündəmə gətirəcəkdiir. Təbii ki, belə bir dönəmdə Azərbaycan-Çiin münasibətlərinin strateji tərəfdaşlıq imkanları daha da genişlənəcək, Avrasiyadakı geoaiyasi və geoiqtisadi duruma müsbət təsir göstərəcəkdir".
Aysel Yusifqızı
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş