"Gürcüstanda gürcü və azərbaycanlılar arasında ədavəti ruhanilər və ermənilər qızışdırır"-RƏY
Marneuli və Hucabi yepiskopu Georgi Marneulidə quraşdırılmış Nərimanovun abidəsinin sökülməsini tələb edir və şəhər meri Z.Darğallını onun restavrasiyası ilə bağlı qərarını tənqid edib. Yepiskop Nərimanovu Maxaradze, Orconikidze kimi "satqınlar"la müqayisə edib. O qeyd edib ki, Nərimanov Gürcüstanın ərazi bütövlüyünün pozulmasında böyük rol oynayıb və hakimiyyətə abidənin sökülməsi üçün bir həftə vaxt verib.
Gürcüstanın Dövlət Təhlükəsizlik Xidməti Kvemo Kartli və Kaxeti bölgələrində etnik gürcülər və azərbaycanlılar arasında ədavəti qızışdıran vətəndaşlara qarşı irqi ayrı-seçkilik faktı ilə bağlı təhqiqata başlayıb. DTX-nın bəyanatında bildirilir ki, həmin şəxslər guya gürcü əhalisinin ölkədə yaşayan etnik azlıqlara nisbətən imtiyazlara malik olması fikrindən çıxış edir, bu da milli zəmində münaqişənin yaranması risqini artırır.
Bununla bağlı Sonxeber.az-a danışan politoloq Qabil Hüseynli son zamanlar Gürcüstanda daxili sabitliyin yolunda getmədiyi xəbərini təsdiqləyərək həmin hadisələrin təşkilatçıları içərisində ruhanilərin, radikal millətçilərin, hətta ermənilərin də əli olduğunu açıqlayıb:
"Gürcüstabda çox kədərli ola bləcək, eyni zamanda daxili sabitliyi poza biləcək hadisələr baş verir. Bu hadisələrin təhrikçiləri içərisində ruhanilər, radikal millətçilər, Rusiyanın əlaltısı olan 5-ci kalonun üzvləri və erməni barmağı də var. Bütün bunlar diqqəti strateji tərəfdaşlıq xarakteri daşıyan Azərbaycan-Gürcüstan münasibətinin pozulmasına yönəldilib. Həmin insanlar çox yaxşı görürlər ki, cənubi Qafqazada həyata keçirilən böyük iqtisadi layihələr Azərbaycanın təşəbbüsü ilə baş verir. Azərbaycan bu layihələri geçəkləşdirərkən Gürcüstanı özünün partnyoru kimi seçir. Bu da Gürcüstanın büdcəsinə maddi rifah halına müsbət təsir edir".
Politoloq Qabil Hüseynli qeyd edib ki, belə bir şəraitdə bütün mənfi qüvvələr çox aşağı səviyəli iddialar səsləndirərək reallığa uyğun gələməyən və əslində Gürcüstanın onsuz da pozulmuş ərazi bütövlüyünü dağıtmağa yönəldilmiş addımlardır:
"Həmin adamlar başa düşmürlər ki, Gürcüstan multikultural durumu yüksək bir ölkədir. Həmçinin etnos və dinlərarası münasibətlərə ehtiyac duyur və xüsusi qayğının göstərilməsini tələb edir. Bu səbəbdən də radikal millətçilərin radikal ruhanilərlə birlikdə Azərbaycanlı şəxsiyyətin heykəlinin sökülməsi məsələsinin qaldırması sadəcə gülüş doğurur. Sanki Gürcüstan bütün problemlərini həll edib, ərazi bütövlüyünü təmin edib, Rusiyanın ölkədə törətdiyi nəticələri aradan qaldırıb, indi isə yerdə qalan məsələləri həll edir. Bu gün Gürcüstan Azərbaycanın ətəyindən dörd əlli yapışmalıdır, oradakı azərbycanlılara xüsusi hörmətlə yanaşmalıdır. Çünki Rusiya Gürcüstana hücum edəndə, Tbilisinin 30-40 kilometrliyində Gürcüstan dövlətçiliyi çökmək üzrə idi. Birinci kömək əli uzadan Azərbaycan oldu. Azərabaycan Gürcüstana uzun müddət qaz, elektrik enerjisi, ərzaq yardımı edib. Gürcüstanın eks-prezidenti olan və hazırda Ukraynanın İslahatlar üzrə Milli Şurasının İcraiyyə Komitəsinin sədri vəzifəsini icra edən Saakişvili dönə- dönə bildirib ki, əgər Azərbaycan olmasaydı, Gürcüstanın müstəqliiyini qoruyub saxlamaq mümkün olmayacaq".
Şəlalə Babayeva
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş