"Azərbaycanda bankların bağlanmasının pandemiya ilə heç bir əlaqəsi yoxdur"-RƏY

Dünyanın bir çox ölkələrinin pandemiya nəticəsində üzləşdiyi maliyyə böhranı, bank sektorundakı problemləri ifşa etdi. Bir sıra ölkələrdə əsas oyunçuların maliyyə bazarlarından çıxması sistemli şəkildə böhrana səbəb olur. Azərbaycanda bu müşahidə olunmur.

Mərkəzi Bankın bəzi özəl bankların lisenziyasını ləğv etməsinin ölkənin maliyyə sektorunun ümumi vəziyyətinə demək olar ki, təsir etmədi.

Bunun səbəbləri? Azərbaycan banklarının əksəriyyətinin güclü və zəif tərəflərini nələrdir?

Mözu ilə bağlı iqtisadçı-ekspert Sonxeber.az-açıqlama verib. O, bildirib, ki, ümumdünya bank sektorunda müşahidə edilənlər Azərbaycanda yoxdur:

"Azərbaycanda son bir ayda 4 bank bağlanıb və bununla da ölkədə bankların sayı 30-dan 26-ya enib. Xatırladım ki, əvvəl Azərbaycanda 45 bank var idi. Azərbaycanda bankların bağlanmasının pandemiya ilə demək olar ki, heç bir əlaqəsi yoxdur. Ötən ilin sonlarından Mərkəzi Bank bu kommersiya bankları ilə müzakirələr aparırdı. Yəni, bu, bankların artıq müflisləşməsi ötən ilin sonlarından bəlli idi. Sadəcə həmin kommersiya banklarına müəyyən danışıqlar, tövsiyələr verildi ki, bəlkə kapitalın yenidən bərpa edilməsi və fəaliyyəti yenidən mümkün olsun. Bu da mümkün olmadı və ona görə də həmin kommersiya banklar bağlandı".

İqtisadçı-ekspert Azərbaycan banklarının zəif və güclü tərəfini belə izah edib:

"Birincisi, Azərbaycan bankları beynəlxalq sistemə orqanik şəkildə qoşulmayıb. İkincisi, Azərbaycan banklarının nizamnamə kapitalı çox aşağıdır. Yəni, maliyələşmə aşağı səviyyədədir. Üçüncüsü, Azərbaycan kommersiya banklarının donor qıtlığı var. Bu gün mən hesab edirəm ki, hökumət öz ehtiyatları hesabına kommersiya banklarının donorona çevrilməlidir. Eyni zamanda Azərbaycan bankları xaricdən maliyə cəlb etməkdə çətinlik çəkir.

Çünki burada qanunvericiliklə ciddi məhdudiyyətlər var. Digər tərəfdən də hökumət özü bu banklara donorluq etmir. Ona görə də Azərbaycan banklarının ümidi yalnız depozitlərə qalır. Yəni, vətəndaşların qoyduğu əmanətlərə. Əmanətlərdən də istifadə edərək manevr etmək imkanları çox məhduddur. Ona görə də Azərbaycanda həm bank sektorunun xidmətlərinin, o cümlədən də kreditlərin baha olmasının əsas səbəblərindən biri də budur. Kommersiya bankları istəyər ki, daha ucuz kreditlər təklif etsin, geniş müştəri cəlb etsin və daha çox qazansın. Amma çox təəssüf ki, bu, maliyə qıtlığı səbəbindən baş tutmur".

F.Ağayeva

Telegramda izləyin

instagramda izləyin